मंग्सिर ५, २०८३ शनिबार November 21, 2026

आहा रारा गोल्डकपमा एपिएफको विजयी सुरुवातः आयोजक सहारा क्लब २-० गोल अन्तरले पराजित

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः मोफसलको प्रतिष्ठित २०औँ  ‘आहा ! रारा गोल्ड कप’ नकआउट फुटबलमा नेपाल एपिएफ क्लबले बिजयी सुरुवात गरेको छ । पोखरा रंगशालामा बिहीबार भएको उद्घाटन खेलमा एपिएफले आयोजक सहारा क्लबलाई २–० गोल अन्तरले हरायो ।

दर्शकविनै सञ्चालन गरिएको प्रतियोगितामा रोमाञ्चक जितसँगै एपएिफ दोस्रो चरणमा प्रवेश गरेको छ । घरेलु मैदानमा पराजय भोगेको आयोजक साहारा भने पहिलो खेलबाटै बाहिरिएको छ । एपिएफले १४औँ मिनेटमा आवास लामिछानेको गोलबाट अग्रता लिएको थियो । ६०औँ मिनेटमा रबि थिङ्गको पासमा प्रदिप लामाले गोल गर्दै एपिएफको अग्रता दोब्बर बनाउनुभयो ।

एकपक्षीय खेलमा एपिएफले थप अवसर गुमाएको थियो । खेलभर एपएिफको दबाब झेलेको सहाराको गोल फर्काउने प्रयास अन्तिमसम्म सफल भएन । एपिएफ शनिबार विदेशी टोली विवाईएससी मिनेसोटा अमेरिकासगँ प्रतिस्पर्धा गर्नेछ ।

खेलपछि एपिएफका प्रशिक्षक कुमार थापाले पहिलो पटक आहा रारा गोल्ड कप जित्ने लक्ष्यका साथ आएको बताउनुभयो । ‘हामीले सहारासगँ पटक पटक खेलेका थियौँ । आज खेलाडीले सोचेअनुसार राम्रो खेले । सोही अनुसार नतिजा पनि आयो । आगामी खेलमा थप सुधार गर्दै अगाडी जानेछौँ,’ थापाले भन्नुभयो ।

सहाराका प्रशिक्षक प्रलाद हिराचनले बाहिरबाट आएका खेलाडी सेट नहुदाँ पराजय भोगेको बताउनुभयो । ‘विगतमा घरेलु टोलीलाई दर्शकको साथ हुन्थ्यो । कोरोनाका कारण दर्शकरहित खेल्नुपनि टोलीको हारको अर्को कारण हो,’ हिराचनले भन्नुभयो । प्रतियोगितामा शुक्रबार शिमालयन शेर्पा र नेपाल पुलीस क्लबबीच प्रतिस्पर्धा हुनेछ ।

अन्जन र हिमेश सम्मानित

प्रतियोगिताको उद्घाटन अवसरमा सहारा क्लबले नेपाली राष्ट्रिय टोलीका स्ट्राइकर अन्जन विष्ट र खेल पत्रकार हिमेशरत्न बज्राचार्यलाई सम्मान गरिएको छ । विष्टलाई ३५ हजार र सम्मान पत्र तथा बज्राचार्यलाई सम्मान पत्रबाट सम्मान गरिएको हो । उद्घाटनै क्रममा सहारा दुई दशकको फुटबल यात्रा विशेषांकको समेत लोर्कापण गरिएको थियो ।

प्रतियोगितमा एपिएफका कप्तान नबिन लामा ‘म्यान अफ दि म्याच’ घोषित हुनुभयो । उहाँले आठ हजार रुपियाँ पुरस्कार प्राप्त गर्नुभयो । ‘खेलकुद विकासमा सहकार्य गर्रौ, पोखरालाई खेलकुद पर्यटन सहरका रुपमा स्थापित गरौँ’ भन्ने उद्येश्यका साथ आयोजित प्रतियोगिता माघ १५ गतेसम्म चल्नेछ ।

प्रतियोगितामा साविक विजेता संकटा फुटबल क्लब, मछिन्द्र क्लब, मनाङ मस्र्याङ्दी क्लब, नेपाल पुलिस क्लब, हिमालयन शेर्पा क्लब, थ्रीस्टार क्लब, त्रिभुवन आर्मी क्लब, नेपाल एपिएफ क्लब, विदेशी टोली विवाईएससी मिनेसोटा अमेरिका र सहारा क्लब पोखरागरी १० टोलीको सहभागिता रहेको छ ।

प्रतियोगिताको विजेताले १० लाख एक हजार र उपविजेताले पाँच लाख एक हजार रुपियाँ पुरस्कार प्राप्त गर्नेछन् । उत्कृष्ट पाँच विधाका विजेतालाई जनही २५ हजार रुपियाँ पुरस्कार प्रदान गरिने आयोजकले जनाएको ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल
२०८३ मंग्सिर ५, शनिबार
सेतो मच्छिन्द्रनाथ मन्दिरमा आयोजित महायज्ञमा राष्ट्रपति पौडेल सहभागी
२०८३ मंग्सिर ५, शनिबार
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार