नेपालको राजनीतिक क्षेत्रमा समेत अमेरिकी साम्राज्यवादको राजनीतिक प्रभाव बढ्योः नेकपा (मसाल)

काठमाडौं: नेपाल कम्युनिष्ट पार्टी (मसाल) ले एमसीसी इन्डोप्यासिफिक रणनीतिको अंग होइन भनेर हालै अमेरिकी दूतावासले दिएको वक्तव्य भ्रमपुर्ण रहेको बताएको छ ।

नेपालमा एमसीसीको ब्यापक विरोध भएपछि जनताको ध्यान इण्डोप्यासिफिक रणनीतिबाट हटाउन भ्रमपुर्ण वक्तव्य दिएको नेपाल कम्युनिष्ट पार्टी (मसाल)ले जारी गरेको प्रेस विज्ञप्तिमा जनाएको छ ।

आइतबार प्रवक्ता रामप्रकाश पुरीद्वारा हस्ताक्षरित प्रेश वक्तव्यमा अमेरिकाले आफ्नो साम्राज्यवादी स्वार्थ पूरा गर्न सैन्य तथा आर्थिक सहयोग परिचालन गर्ने गरेको बताउँदै आर्थिक सहयोग आफैमा उसको सैन्य रणनीतिको अंग भएको स्पष्ट पारेको छ ।

नेपालको राजनीतिक क्षेत्रमा समेत अमेरिकी साम्राज्यवादको राजनीतिक प्रभाव बढ्दै गइरहेको छ भन्दै नेकपा मसालले भौतिक पूर्वाधार विकासको नाममा आर्थिक सहयोग एमसीसीको आवरणमा अगाडि बढाउने प्रयत्न सरकारले गरिरहेको प्रति पार्टीले विरोध गर्दछ भनिएको छ ।