काठमाडाैँ: न्याय सेवा आयोगको बैठक आज बस्दै छ ।
प्रधानन्यायाधीश चोलेन्द्र शमशेर जबराविरुद्ध महाअभियोग प्रस्ताव दर्ता भएपछि कायम मुकायम प्रधानन्यायाधीश बनेका दीपककुमार कार्कीले आयोगको बैठक बोलाएका हुन्। गत असोजपछि आजमात्रै आयोगको औपचारिक बैठक बस्न लागेको हो ।
आजको बैठकमा लोक सेवा आयोगले लिएको परीक्षाबाट उत्तीर्ण भएका जिल्ला न्यायाधीशहरुको नाम सिफारिस, कर्मचारीहरुको सरुवा, बढुवा लगायतका विषयमा छलफल हुने सर्वोच्च स्रोतले जनाएको छ ।
न्याय सेवा आयोगमा प्रधानन्यायाधीश सहित कानूनमन्त्री, सर्वोच्च अदालतका बरिष्ठतम न्यायाधीश, महान्यायाधिवक्ता र लोक सेवा आयोगका अध्यक्ष पदेन सदस्य रहने संवैधानिक व्यवस्था छ ।
प्रधानन्यायाधीश जबराको कारणले सर्वोच्चमा विवाद बढ्दै जाँदा गएको असोजदेखि आयोगको औपचारिक बैठक बस्न सकेको छैन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया