मंग्सिर ५, २०८३ शनिबार November 21, 2026

महिला क्रिकेट प्रतियोगिता : मोरङ र झापा विजयी

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः अन्तर्राष्ट्रिय महिला दिवसको उपलक्ष्यमा आजदेखि विराटनगरमा प्रथम ‘इक्युवालिटी कप महिला क्रिकेट–२०२२’ प्रतियोगिता सञ्चालन भएको छ ।

नेपाल क्रिकेट फाउण्डेशन र मोरङ क्रिकेट सङ्घद्वारा संयुक्तरूपमा विराटनगरको वैजनाथपुर क्रिकेट खेलमैदानमा शनिबार भएको उद्घाटन खेलमा मोरङ र झापा जिल्ला क्रिकेट टोली विजयी भएका छन् । पहिलो खेलमा मोरङले मधेश प्रदेशको सप्तरीलाई १५१ रनको अन्तरले पराजित गरेको छ । मोरङले निर्धारित २० ओभरको खेलमा एक विकेट गुमाइ १९४ रन बनाएको थियो भने सप्तरीले १४ दशमलव एक बलमा ४३ रनमा अलआउट भएको छ ।

यसैगरी दोस्रो खेलमा नेपाली अन्तर्राष्ट्रिय खेलाडी सम्मिलित झापाले सुनसरीलाई ९१ रनको अन्तरले पराजित गरेको छ । झापाले निर्धारित २० ओभरमा तीन विकेट गुमाइ १४० रन बनाएको थियो भने सुनसरीले १८ दशमलव दुई बलमा सबै विकेट गुमाइ ४९ रनमात्र बनाएको थियो । आइतबारको पहिलो खेल सप्तरी र सुनसरी तथा दोस्रो खेल झापा र मोरङबीच हुने फाउण्डेशनका कार्यकारी निर्देशक अभिषेक श्रेष्ठले जानकारी दिनुभयो ।

प्रतियोगिता यही फागुन २४ गतेसम्म सञ्चालन हुने छ । प्रदेश नं १ को झापा, मोरङ, सुनसरी र मधेस प्रदेशबाट सप्तरी जिल्ला गरी चार समूहले प्रतियोगितामा भाग लिएका छन् । लिगको आधारमा खेलाइएको प्रतियोगितामा टप दुई टिमले फाइनलमा पुग्ने छ । चार दिनसम्म सञ्चालन हुने प्रतियोगिता सम्पन्न गर्न करिब रु पाँच लाख ५० हजार खर्च हुने आयोजकले जनाएको छ ।

एकल महिला र ज्येष्ठ नागरिकलाई सम्मान

एकल महिला, ज्येष्ठ नागरिक, अशक्त र असहाय परिवारलाई आज यहाँ सम्मान गरिएको छ । हलेसी महिला सशक्तीकरण सेवा केन्द्र विराटनगर–८ ले उनीहरूलाई सम्मान गर्दै आवश्यक लत्ताकपडा वितरण गरेको छ ।

विराटनगर महानगरपालिका प्रमुख भीम पराजुलीले सम्मान एवं साडीलगायतका आवश्यक विभिन्न प्रकारका कपडा वितरण गर्नुहँुदै आफ्नो अधिकारका लागि स्थानीय तहलगायत दलको नेतृत्व तहमा महिलाको सहभागिता वृद्धि हुनु आवश्यक रहेको बताउनुभयो ।

सो अवसरमा ५० जनाभन्दा बढी महिला तथा अशक्त, असाहय र विपन्न परिवारलाई आवश्यक समाग्री वितरण गरिएको संस्थाका अध्यक्ष सीता मिश्राले बताउनुभयो । संस्थाले कोभिडका समयमा आवश्यक स्वास्थ्य सुरक्षाका लागि मास्क तथा चिसोमा न्यायो कपडा वितरण गरिसकेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल
२०८३ मंग्सिर ५, शनिबार
सेतो मच्छिन्द्रनाथ मन्दिरमा आयोजित महायज्ञमा राष्ट्रपति पौडेल सहभागी
२०८३ मंग्सिर ५, शनिबार
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार