तपाईंको मोबाइलमा टेलिकमको फोरजी चल्छ कि चल्दैन ? यसरी पत्ता लगाउनुहोस्

काठमाण्डौः टेलिकमले दुई फरक ब्याण्डमार्फत देशभर फोरजी सेवा विस्तार गरिरहेको भएतापनि उक्त फोरजी सेवा तपाईंको मोबाइलमा चल्छ, चल्दैन भन्ने विषय तपाईंको मोबाइलमा निर्भर रहन्छ ।

किनभने यदि तपाईंको मोबाइलले यी दुईमध्ये कुनै पनि ब्याण्डलाई सर्पोट गर्दैन भने तपाईंको मोबाइलमा टेलिकमको फोरजी चल्दैन । तर, यदि यी दुईमध्ये कुनै एक ब्याण्ड तपाईंको मोबाइलले सपोर्ट गर्छ भने जुन ब्याण्ड सपोर्ट गर्छ, सोही ब्याण्डमा तपाईंले फोरजी चलाउन सक्नुहुनेछ ।

त्यसैले तपाईंको मोबाइलले कुन ब्याण्ड सपोर्ट गर्छ वा गर्दैन भन्ने विषय महत्वपूर्ण हुन्छ । यो विषयमा तपाईंले मोबाइल किन्दा नै मोबाइलका बक्सको बाहिर दिइएको जानकारीमा पनि यो विषय उल्लेख गरिएको हुन्छ ।

पछिल्लो सयमा बजारमा भित्रिएका धेरैजसो मोबाइल सेटले त दुवै ब्याण्ड सपोर्ट गर्छन् । तर, त्यसमा पनि कतिपय मोबाइल सेटले कुनै एकमात्र ब्याण्डमात्र पनि सपोर्ट गर्नसक्ने हुन्छ । भने, कुनैले गर्दै नगर्ने पनि हुनसक्छ ।

त्यसैले यहाँ हामी तपाईंलाई नेपाल टेलिकमकै साइटबाट आफ्नो मोबाइलले फोरजी सपोर्ट गर्छ, गर्दैन भन्ने विषयमा जानकारी दिँदैछौं । तर, त्यसका लागि सबैभन्दा महत्वपूर्ण विषय तपाईंको मोबाइलको आईएमईआई नम्बर भने आवश्यक पर्छ ।

मोबाइलको आईएमईआई नम्बर तपाईंले मोबाइलको बक्समा अथवा मोबाइलको पछाडि भागमा अथवा ब्याट्रीमा पनि टाँसिएको हुनसक्छ । यदि यी तीनै विकल्प भएन भने पनि तपाईंले आफ्नो मोबाइलको आईएमईआई नम्बर भने हेर्न सक्नुहुनेछ ।

त्यसका लागि तपाईंले फोनमा *#06# डायल गर्नुहोस् । यसपछि तपाईंले त्यहाँ तपाईंको मोबाइलको आईएमईआई नम्बर देख्नुहुनेछ । अब मोबाइलमा फोरजी ब्याण्ड चल्छ/चल्दैन भनेर जाँच गर्नुहोस् । यहाँ क्लिक गर्नुहोस् । टेकपानाबाट