कांग्रेस महाधिवेशन तयारीमा जुट्यो देउवा समूह, ७७ जिल्लामा निर्वाचन अधिकृत

काठमाडौँ । नेपाली कांग्रेसकाे शेरबहादुर देउवा समूहले १५औँ केन्द्रीय महाधिवेशनको तयारी तीव्र बनाउँदै जिल्लाहरूमा संयोजक तोकेको छ । १५औँ केन्द्रीय महाधिवेशन आगामी मंसिर २१, २२ र २३ गते काठमाडौँमा गर्ने निर्णय भइसकेको छ ।

महाधिवेशन सम्पन्न गर्न शशांक कोइरालाको संयोजकत्वमा जिल्ला तयारी समितिहरू गठन गरिएको छ । जिल्ला तयारी समितिहरूले प्रतिनिधिसभा निर्वाचन क्षेत्र, प्रदेशसभा निर्वाचन क्षेत्र, पालिका र वडा तयारी समिति गठन गरिसकेका छन् ।

सोहीअनुसार असोज १५ गते वडा अधिवेशन, असोज २० गते पालिका अधिवेशन र असोज २३ गते प्रदेशसभा निर्वाचन क्षेत्रीय अधिवेशन गर्ने छ । त्यस्तै, मंसिर ४ गते प्रदेश अधिवेशन सम्पन्न गर्ने कार्यतालिका तय गरिएको छ ।

७७ वटै जिल्लामा केन्द्रीय निर्वाचन समितिको तर्फबाट निर्वाचन अधिकृतसमेत पठाइसकिएको छ।