असोज १४, २०८३ बुधबार
September 30, 2026
युग खबर
२०७८ चैत्र २१, सोमबार
काठमाडौंः गुगल हाल एन्ड्रोइड १३ का फिचरमा काम गरिरहेको छ । हालै बाहिरिएको एक खबर अनुसार एन्ड्रोइड १३ मा मल्टिपल इनेबल्ड प्रोफाइल (एमईपी) फिचर उपलब्ध हुने भएको छ ।
यो फिचर एउटै फोनमा दुईवटा सिम कार्ड प्रयोग गर्ने मानिसहरूका लागि गेम चेन्जर हुनसक्छ ।
यसअन्तर्गत एउटै ई-सिममा दुई फरक नेटवर्क (कम्पनी) को सेवा लिन सकिन्छ । प्रयोगकर्ताले चाहेअनुसार एकबाट अर्को नेटवर्कमा सजिलै स्विच गरी सेवा लिनसक्नेछन् ।
यो फिचरले विभिन्न नेटवर्कको सिमकार्ड प्रयोग गर्ने प्रयोगकर्तालाई सहज हुने बताइएको छ । यसले मोबाइलको हार्डवेयरमा हुने लगानी पनि कम हुने बताइएको छ ।
यो फिचर सार्वजनिक भएसँगै मोबाइल कम्पनीहरूले सिमकार्ड स्लटलाई हटाएर ब्याट्रीको आकार बढाउन अथवा अन्य प्रयोगजनको लागि प्रयोग गर्न सक्छन् ।
हाल अधिकांश मोबाइल फोनमा फरक-फरक नेटवर्कको सिमकार्ड प्रयोग गर्न दुईवटा सीम प्रयोग गर्न मिल्ने सिमकार्ड ट्रे उपलब्ध गराइएको हुन्छ । -टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया