श्रावण २७, २०८३ बुधबार
August 12, 2026
युग खबर
२०७९ बैसाख २८, बुधबार
काठमाण्डौः फेसबुकले रियल-टाइम लोकेसनसँग सम्बन्धित केही फिचर बन्द गर्ने भएको छ । कम्पनीले उपलब्ध गराउँदै आएको नियरबाई फ्रेन्ड, वेदर अलर्ट, लोकेसन हिस्ट्री, ब्याकग्राउन्ड लोकेसनजस्ता फिचर प्रयाेगकर्ताले खासै प्रयोग गरिरहेका छैनन् ।
प्रयोगकर्ताले नै नरुचाएपछि कम्पनीले यी फिचर बन्द गर्न लागेकाे हाे । जसले यसअघि यी फिचर प्रयोग गरेका छन्, उनीहरूलाई यही मे ३१ बाट डेटा संकलन बन्द हुनेभन्दै नोटिफिकेसनमार्फत जानकारी दिइएको छ । साथै आउँदो अगस्ट १ भित्र हालसम्म संकलन भएका डेटासमेत सबै डिलिट गरिसक्ने कम्पनीले जनाएको छ ।
कम्पनीले नियरबाई फ्रेन्ड, वेदर अलर्ट, लोकेसन हिस्ट्री, ब्याकग्राउन्ड लोकेसनका लागि लोकेसनको डेटा संकलन बन्द गर्ने भएपनि अन्य प्रयोजनका लागि भने प्रयोगकर्ताको लोकेसन संकलन हुनेछ ।
‘प्रयोगकर्ता सुहाउँदो कन्टेन्ट तथा विज्ञापन उपलब्ध गराउन लोकेसन आवश्यक पर्छ,’ फेसबुकका प्रवक्ताले भनेका छन, ‘त्यो हुँदा लोकेसनको डेटा आवश्यक पर्छ । जुन कुरा कम्पनीको डेटा पोलिसीमै उल्लेख छ ।’ टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया