मंग्सिर ५, २०८३ शनिबार November 21, 2026

१२ औँ केन्द्र स्तरीय राष्ट्रपति रनिङ सिल्ड खेलकुद काठमाडौँमा सुरु

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः १२ औँ केन्द्र स्तरीय राष्ट्रपति रनिङ सिल्ड खेलकुद प्रतियोगिता मङ्गलवारदेखि काठमाडौँमा सुरु भएको छ ।

राष्ट्रिय खेलकुद परिषद् (राखेप) को आयोजनामा सञ्चालित प्रतियोगिताको युवा तथा खेलकुद मन्त्री महेश्वरजंग गहतराजले उद्घाटन गर्नुहुँदै विद्यालय स्तरीय प्रतियोगिताबाटै खेलाडी उत्पादन गरेर भविष्यमा अन्तर्राष्ट्रिय प्रतियोगितामा सहभागी हुने खेलाडीको पहिचान गर्न प्रतियोगिता महत्त्वपूर्ण भएको बताउनुभयो ।

कार्यक्रममा राखेपका सदस्य सचिव टङ्कलाल घिसिङले विद्यालय स्तरीय प्रतियोगिता नै खेलकुदको मेरुदण्ड भएको धारणा व्यक्त गर्दै कलिलो उमेरका खेलाडीलाई संरक्षण गर्न सके देशका लागि सक्षम खेलाडी तयार गर्न टेवा पुग्ने बताउनुभयो ।

दशरथ रङ्गशालामा भएको प्रतियोगिताको उद्घाटन अवसरमा सहभागी पाँच वटा प्रदेशका खेलाडीले मार्च पास गरेका थिए । ओलम्पियन जुडोकी सोनिया भट्टले दशरथ रङ्गशालाको ट्र्याकमा ओलम्पिक टर्च परिक्रमा गर्नुभएको थियो । राष्ट्रपति रनिङ सिल्ड खेलकुदको उद्घाटन अवसरमा ओलम्पिक टर्च परिक्रमा गराइएको यो पहिलो पटक हो ।

निर्णायकको तर्फबाट एथलेटिक्सका प्रमुख प्रशिक्षक चन्द्र गुरुङ र खेलाडीको तर्फबाट गण्डकी प्रदेशकी एथलेटिक्स खेलाडी तीर्था ढकालले शपथ लिनुभएको थियो । प्रतियोगितामा विभिन्न ६ खेल समावेश प्रतियोगितामा प्रदेश १ र मधेश प्रदेशको सहभागिता रहेको छैन । बिहीबारसम्म चल्ने प्रतियोगितामा भलिबल, कबड्डी, एथलेटिक्स, तेक्वान्दो, कराँते र उसुमा गरी पाँच सय खेलाडी सहभागी छन् ।

एथलेटिक्समा २६, कराँतेमा ८, तेक्वान्दो र उसुमा ६–६, भलिबल र कबड्डीमा २–२ गरी ५० स्वर्णका लागि प्रतिस्पर्धा हुनेछ । समग्रमा शीर्ष तीन स्थानमा रहने टिम र खेलाडीको व्यक्तिगत गरी कूल पुरस्कार राशि ९ लाख ४५ हजार रुपियाँ रहेको राखेपले जनाएको छ । राष्ट्रपति रनिङ सिल्ड प्रतियोगिता प्रदेश संरचनामा आयोजना भएको यो तेस्रो पटक हो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
सेतो मच्छिन्द्रनाथ मन्दिरमा आयोजित महायज्ञमा राष्ट्रपति पौडेल सहभागी
२०८३ मंग्सिर ५, शनिबार
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार