मंग्सिर ४, २०८३ शुक्रबार November 20, 2026

यमनमा युद्धविरामपछि पनि भिडन्तहरुमा ८१ जनाको मृत्यु

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं : यमनमा यहाँको सरकार र हुथी विद्रोहीहरुका बीचमा जारी भएको युद्धविरामका क्रममा पनि कम्तीमा पनि ८१ जनाको ज्यान गएको बताइएको छ । हिंसात्मक विद्रोह जारी रहेको यहाँ गत अप्रिल २ बाट युद्धविराम सुरु भएको थियो ।

अन्तर्राष्टिय रुपमा मान्यता प्राप्त यमनी सरकार र यहाँका हुथी विद्रोहीका बीचमा शान्तिपूर्ण वार्ताका माध्यमबाट हिंसा अन्त्यको मार्ग खोज्नका लागि युद्धविराम भएको थियो ।

संयुक्त राष्ट्रसङ्घको मध्यस्थतामा यहाँ युद्धविराम भएको थियो । तर सो युद्धविरामपछि पनि यहाँका हुथी विद्रोहीहरुले हिंसाको अन्त्य गरेका छैनन् ।

अप्रिल २ तारिखमा भएको सो युद्धविरामपछि पनि यहाँ हुथी विद्रोहीहरुले आक्रमण जारी नै राखेका र यसमा परेर कम्तीमा पनि ८१ जनाको ज्यान जानुका साथै अरु ३३१ जना घाइते भएका पाइएको छ ।

अधिकारीहरुले ज्यान जानेमा सुरक्षाकर्मी र सर्वसाधारण नागरिक पनि परेका बताएका छन् ।

यमनका विदेशमन्त्री अहमद अवाद बिन मुबारकले यमनी सरकारले संयुक्त राष्ट्रसंघको मध्यस्थताको युद्धविराम इमान्दारिताका साथ पालना गरेको तर हुथी विद्रोहीहरुले भने आक्रमणलाई जारी नै राखेका बताउनुभएको छ ।

बुधबार आयोजना गरेको पत्रकार सम्मेलनमा उहाँले हुथीहरुलाई युद्धविरामको पालना गर्न आग्रह पनि गर्नुभएको थियो । यमनमा केही वर्षदेखि हुथी विद्रोहीहरुले हिंसात्मक विद्रोह गरिरहेका छन् । रासस/सिन्हा

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार