‘नैना’ को विशेष प्रदर्शन शनिवार

काठमाडौंः गुरुङ संस्कृतिमा आधारित नेपाली फिल्म ‘नैना’ को विशेष प्रदर्शन यही भदौ १८ गते शनिवार राष्ट्रिय नाचघरमा हुने भएको छ ।

दिप गुरुङको निर्देशनमा बनेको यो फिल्ममा गुरुङ संस्कृतिलाई झल्काउने प्रयास गरिएको छ । दिप गुरुङ, सुकमान गुरुङ र एलिना गुरुङको निर्माणमा बनेको फिल्मको कथा जनक गुरुङले लेखेका हुन् ।

सुरज गुरुङ, आनन्द गुरुङ, लक्ष्मी गुरुङ, सीता गुरुङ, सुकमान गुरुङ, एलिना गुरुङ, कुमार समरी घले, टेक बहादुर गुरुङ लगायतका कलाकारको अभिनय रहेको छ ।

मधुर बस्नेतले छायांकन गरेको फिल्मलाई मेक बहादुर थापाले सम्पादन गरेका छन् । यो फिल्ममा पवन रानाको संगीत, जितेन्द्र क्षेत्रीको शब्द रचना रहेको छ ।मनोरञ्जन