मंग्सिर ५, २०८३ शनिबार November 21, 2026

नवौं राष्ट्रिय खेलकुद : टिम एनआरएनएको, खेलाडी नेपालका

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः नवौं राष्ट्रिय खेलकुदको फुटबलमा गैरआवासीय नेपाली संघ (एनआरएनए) ले विजयी सुरुवात गरेको छ । संघले प्रदेश– १ को टोलीलाई २–० गोल अन्तरले हराएको हो ।

बिहीबार पोखरास्थित गोस्टेघाट फुटबल मैदानमा भएको खेलमा एनआरएनएको तर्फबाट संजोक राई र विमल घर्ती मगरले १–१ गोल गरेका थिए ।

तर, एनआरएनएको तर्फबाट मैदानमा उत्रिएका अधिकांश खेलाडी गैरआवासीय नेपाली होइनन्। गोल गरेका राई र घर्ती पनि एनआरएन होइनन् । राई ए डिभिजन लिग खेल्ने खेलाडी हुन् भने घर्ती राष्ट्रिय टिमका खेलाडी हुन् ।

राईले सुरुवाती अग्रता दिलाएका थिए भने दोस्रो हाफमा राष्ट्रिय टोलीका फरवार्ड घर्तीले सेकेण्ड गोल गरेका थिए ।

एनआरएनएले रोजगारीको लागि विदेश बस्न बाध्य नेपाली खेलाडीहरूलाई पनि राष्ट्रिय खेलकुदमा आबद्ध गराउने मुख्य उद्देश्यसहित ‘एनआरएनए खेलकुद प्रतिष्ठान’को स्थापना गरेको थियो । यही प्रतिष्ठानमार्फत संघले खेलकुद गतिविधिलाई अगाडी बढाइरहेको छ ।

संघले आठौं राष्ट्रिय खेलकुदमा पनि विदेशबाट आफ्ना खेलाडी ल्याएर सहभागिता जनाएको थियो । तर, यसपटक भने संघले विदेशबाट आफ्ना खेलाडी ल्याउन सकेको छैन। यद्यपि मलेसियालगायतका देशबाट केही एनआरएन खेलाडी भने फुटबलमा सहभागी छन् ।

प्रदेश १ ले एनआरएनएका सदस्य नभएका खेलाडीलाई टोलीमा राखिएको भन्दै विरोध समेत जनाएको थियो । तर, खेलपछि प्रोस्टेट पनि हाल्न पाउने भनेपछि बल्लतल्ल खेल सुरु भएको थियो ।

एनआरएनएका युवा उपाध्यक्ष रोशन थापाका अनुसार विदेशबाट खेल्न आउने तय भएका आफ्ना खेलाडी नआएकोले नेपाली खेलाडी समावेश गर्नुपरेको बताए ।

‘आउने तय भइसकेका कतिपय खेलाडी कारणवश नआएकोले हो । अरू टिममा पनि बाहिरी खेलाडीलाई राखिएको छ। राख्न पाइन्छ भनेपछि हामीले पनि राखेका हौं,’ युवा उपाध्यक्ष थापाले भने ।

‘गैरआवासीय नेपाली भन्नाले नेपाली मूलको विदेशी नागरिक वा दुई वर्ष भन्दा बढी नेपाल सरकारबाट खटिई विदेशस्थित नेपाली नियोगमा बहाल रहेको, विदेशस्थित शिक्षण संस्थामा अध्ययन गरिरहेको नेपाली नागरिक र दक्षिण एसियाली सहयोग संगठन (सार्क) अन्तर्गतका मुलुकहरू बाहेकका अन्य देशहरूमा पेसा, रोजगारी वा व्यवसाय गरी बसोबास गर्ने नेपाली नागरिकलाई जनाउँदछ। यसै अनुच्छेदमा उल्लेखित ‘नेपाली मूलका विदेशी नागरिक’ भन्नाले कुनै व्यक्ति साबिकमा स्वयम् वा निजको बाबु, आमा, बाजे, वा बज्यै नेपालको नागरिक रही पछि सार्कको सदस्य मुलुकबाहेक अन्य मुलुकको नागरिकता लिएको व्यक्तिलाई जनाउँदछ,’ गैरआवासीय नेपाली ऐनमा उल्लेख छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार