असोज १८, २०८३ आइतबार
October 4, 2026
युग खबर
२०७९ मंग्सिर २७, मंगलबार
काठमाडौंः सरकारी स्वामित्वको मोबाइल सेवा प्रदायक कम्पनी नेपाल टेलिकमले अन्ततः फाइभजी परीक्षण सुरु गर्ने भएको छ । काठमाडौंस्थित बबरमहल र सुन्धारा क्षेत्रबाट अङ्ग्रेजी वर्ष २०२३ को अवसर पारी कम्पनीले याे सेवाकाे परीक्षण गर्ने भएकाे हो ।
नेपाल टेलिकमका प्रवक्ता सोभन अधिकारीले नियामक नेपाल दूरसञ्चार प्राधिकरणबाट अनुमति पाएको करिब दुई वर्षपछि फाइभजी ट्रायल अघि बढाउन लागेको जानकारी दिए ।
“जनवरी १ मा काठमाडौंबाट परीक्षण सुरु गर्नेछौँ,” उनले भने, “काठमाडौंमा सफल भएको खण्डमा क्रमशः देशका सातै प्रदेशमा फाइभजी ट्रायल सुरु हुन्छ ।” यसअनुरूप अहिले उपकरण परीक्षणको काम भइरहेको उनले बताए ।
“परीक्षण सुरु गर्न आवश्यक सबै उपकरणको डिटेल टेस्टिङ गर्नुपर्छ । बीचमा प्रदेश तथा प्रतिनिधिसभा सदस्य निर्वाचन भएकाे हुँदा हाम्रो कोर सपोर्टमा डेडिकेटेट प्राविधिक जनशक्ति निर्वाचनमा खटिनुपर्यो । जसले गर्दा परीक्षण केही ढिलो भएको छ,” उनले थपे ।
प्राधिकरणले परीक्षणका लागि २६०० मेगाहर्ज फ्रिक्वेन्सी उपलब्ध गराएको छ । यही फ्रिक्वेन्सीबाट परीक्षण थालिने प्रवक्ता अधिकारीले जानकारी दिए । परीक्षणबाट पत्ता लागेका कुरालाई अघि बढाउँदै त्यसबाट व्यवसायीक प्रयोजनबाट सुरु गर्ने योजना रहेको जनाएका छन् । टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया