मंग्सिर ५, २०८३ शनिबार November 21, 2026

खेल मैदान नहुँदा खेलाडीहरू समस्यमा

मैदान अभावमा खेलकुद गतिविधि प्रायः शून्य

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः जाजरकोट जिल्लामा खेल मैदान नहुँदा यहाँका खेलाडीहरू समस्यामा परेका छन् । जिल्लामा अहिलेसम्म एउटा पनि खेल मैदान बन्न सकेको छैन । खेल मैदान नहुँदा खेलाडीलाई निकै समस्या हुने गरेको छ । मैदान अभावमा खेलकुद गतिविधि प्रायः शून्य हुने गरेको छ ।

जिल्ला सदरमुकाममा खेलकुदका पूर्वाधार बन्ने हो भने यस क्षेत्रको पर्यटन, प्रवद्र्धनका साथै ब्यापार व्यवसाय पनि फस्टाउने र अन्य पहाडी जिल्लालाई सजिलो हुने भएकाले जाजरकोटमा खेल मैदान बनाउन जरुरी रहेको छ ।

जिल्ला खेलकुद विकास समिति जाजरकोटका अध्यक्ष नर बहादुर बस्नेतले २०७४ सालमा आफ्नै २ रोपनी ३ आना जग्गामा इन्डोर कभर्ड हल निर्माण कार्य शुरु भएका बताउनुहुँदै बजेट अभाव र सम्बन्धित निकायले पनि चाँसो नदिँदा उक्त निमार्ण कार्य रोकिएको र इन्डोर खेल खेलाउन समेत पूर्वाधार नभएको बताउनुभयो  ।

खेलकुद विकास समितिकै नाममा रहेको जग्गामा इन्डोर कभर्ड हलको निमार्ण शुरु समेत भइसक्दा रकम अभावमा निर्माण कार्य रोकिएको उहाँले बताउनुभयो । अध्यक्ष बस्नेतले संघ र प्रदेशले जिल्ला सदरमुकामको खेल मैदान निर्माणका लागि कुनै चासो नदेखाएको बताउनुभयो ।

जाजरकोटबाट मात्रै अहिलेसम्म १३ जना खेलाडीले राष्ट्रिय स्तरका प्रतियोगिता खेलिसकेका छन् । दुई जना खेलाडीले अन्तर्राष्ट्रिय स्तरका प्रतियोगिता खेलिसकेका छन् ।मैदान अभावमा खेलकुद प्रतियोगिता नहुँदा खेलाडी उत्पादन हुन नसकेको पनि उहाँले बताउनुभयो ।

“मैदान भए प्रत्येक बर्ष ४–५ जना खेलाडी राष्ट्रिय र अन्तर्राष्ट्रिय प्रतियोगितामा खेल्न पाउने थिए होलान् तर मैदान छैन ।”, उहाँले भन्नुभयो, यसका लागि संघीय, प्रदेश र स्थानीय सरकारसँग छलफल गर्न आवश्यक छ ।”

यसैगरी जिल्लामा क्रिकेट, फुटबल लगायत खेलकाका लागि खेल मैदान नै छैन । प्रतियोगिता गराउनुपर्दा खलङ्गास्थित त्रिभुवन माविको खेल मैदानमा गराउन बाध्य हुनुपरेको र पढाइमा अवरोध हुने हुँदा विद्यालय प्रशासनले पनि मैदान सजिलै उपलब्ध नगराउने जाजरकोट युवा क्रिकेट क्लबमा अध्यक्ष अनिश काकीले बताउनुभयो  ।

उता भेरी नगरपालिकाको पहल र कर्णाली प्रदेश सरकारको समपूरक बजेटमा भेरी नगरपालिका—१३ कुदुमा सबै खेल खेल्न मिल्ने खालको रङ्गशालाका लागि डिपिआर तयार भएको थियो तर बजेट अभावका कारण निर्माण कार्य अघि बढ्न सकेको छैन ।

जाजरकोट जिल्लामा खेल मैदान निर्माण गर्न सकिए यस क्षेत्रका खेलाडीलाई निकै ठुलो राहत हुने र विभिन्न समयमा खेलकुदको आयोजना गरी यहाँको ब्यापार व्यवसायमा समेत टेवा पुग्ने स्थानीय बताउँछन् ।

खेलाडीहरूका लागि खेल मैदान र कर्वडहल को व्यवस्था नहुँदा खेलाडीहरूलाई समस्या हुने गरेको छ । उचित खेल मैदान र कर्वडहलकोे उचित व्यवस्था नभएकाले खेलाडीहरू समस्यामा परेका छन् ।

जिल्लामा हरेक बर्ष सञ्चालन हुने राष्ट्रपति रनिङ्ग शिल्डलगायत अन्य प्रतियोगिता गर्नु परे विद्यालयहरूको खेल मैदान प्रयोग पर्ने बाध्यता छ ।

जिल्लामा सञ्चालन हुने खेलकुद, सांस्कृतिक कार्यक्रम वा अन्य सभा सम्मेलन लगायत कार्यक्रमका लागि विद्यालयमा प्रयोग गर्दा विद्याथीहरुको पठनपाठनमा बाधा हुने गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार