मंग्सिर ३, २०८३ बिहिबार November 19, 2026

क्रामातोस्र्कमा रूसी आक्रमण हुँदा कम्तीमा छ सय युक्रेनी सैनिकको मृत्यु : रूसी रक्षा मन्त्रालय

युक्रेनी सैनिकमाथि भएको आक्रमणमा ६०० भन्दा बढी युक्रेनी सैनिकको मृत्यु

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः मस्कोले माकिभकामा मारिएका ८९ रुसी सैनिकको मृत्युको बदला लिन आफ्नो सेनाले ‘जवाफी हमला’ गरेको जनाएको छ । उक्त आक्रमणमा ६००भन्दा बढी युक्रेनी सुरक्षा अधिकारी मारिएको बताइएको छ ।

रूसी रक्षा मन्त्रालयले जारी गरेको विज्ञप्तिमा भनिएको छ, “क्रामातोस्र्कका दुई भवनमा तैनाथ युक्रेनी सैनिकमाथि भएको आक्रमणमा ६०० भन्दा बढी युक्रेनी सैनिकको मृत्यु भएको छ ।” पछिल्लो रूसी आक्रमणबारे समाचार तयार पार्दासम्म स्वतन्त्र रूपमा पुष्टि भने हुन सकेको छैन ।

Russian defence minister's fleeting reappearance adds to mystery |  Financial Times

शनिबार डोनेट्स्कको पूर्वी क्षेत्रमा रहेको क्रामातोस्र्कमा मध्यरातअघि कम्तीमा चारवटा विस्फोटको आवाज सुनेको एएफपीका एक पत्रकारले बताएका छन् । दुवै देशमा शनिबार अर्थोडक्स क्रिसमस मनाइएको थियो । उक्त अवसरमा रूसले युक्रेनमाथिको आक्रमणलाई अस्थायीरूपमा ३६ घण्टाका लागि रोकेको घोषणा गरेको थियो ।

रूसी रक्षा मन्त्रालयले आक्रमण कहिले भएको हो भन्नेबारे केही बताएको छैन तर यहाँको गुप्तचर निकायले ‘विगत २४ घण्टामा’ क्रामातोस्र्कमा युक्रेनको सशस्त्र बलको अस्थायी तैनाथीको पुष्टि गरेको जनाएको छ ।

दुई भवनमा युक्रेनका एक हजार ३०० भन्दा बढी सैनिक राखिएको मस्कोले दाबी गरेको छ । यसअघि आइतबार डोनेट्स्क क्षेत्रीय प्रशासनका प्रमुख पाभ्लो किरिलेन्कोले रूसले क्रामातोस्र्कमा सातवटा रकेट आक्रमण गरेको बताउनुभएको थियो ।

 

रूसले आक्रमणबाट ६०० युक्रेनी सैनिकको मृत्यु भएको र ठूलो सङ्ख्यामा सुरक्षा अधिकारी घाइते भएको बताएको छ । भवनबाहेक ‘एउटा शैक्षिक संस्था, औद्योगिक केन्द्र र केन्द्र’ मा क्षति पुगेको तर कुनै हताहत भने नभएको रूसले दावी गरेको छ ।

नयाँ बर्ष शुरू भएपछि युक्रेनले पूर्वी शहर माकिवकामा ब्यारेकको रूपमा रूसी सेनाले प्रयोग गरिरहेको भवनमा आक्रमण गरेको थियो । उक्त आक्रमणमा ८९ रूसी सेनाको मृत्यु भएको बताइएकोे थियो ।

रूसले युक्रेनी आक्रमणमा परी ८९ सैनिकको मृत्यु भएको स्वीकार गरेको छ । रूसी राष्ट्रपति भ्लादिमिर पुटिनले रूस र युक्रेनमा जनवरी ७ तारिखका दिन मनाइने क्रिसमस मनाउनका लागि ३६ घण्टे युद्धविरामको घोषणा गर्नुभएको थियो । युक्रेनी स्थानीय समयअनुसार शनिबार राति ११ बजेपछि एकतर्फी युद्धविराम अन्त्य भएको थियो । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार