मंग्सिर ५, २०८३ शनिबार November 21, 2026

जितका लागि ७३ रन पछ्याएको गुजरात १८ रनले पराजित

जितको लागि ७३ रनको विजयी लक्ष्य पछ्याएको गुजरात ३३.३ ओभरमा ५४ रनमा अल आउट

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः भारतको चर्चित घरेलु क्रिकेट प्रतियोगिता रणजी ट्रफीमा विदर्भले दिएको ७३ रनको विजयी लक्ष्य पछ्याएको गुजरात १८ रनले पराजित हुन पुगेको छ। जितको लागि ७३ रनको विजयी लक्ष्य पछ्याएको गुजरात ३३.३ ओभरमा ५४ रनमा अल आउट भयो ।

गुजराका सिद्धार्थ देशाईले ४७ बलमा ३ चौकासहित सर्वाधिक १८ रन बनाए । अन्य कुनैपनि ब्याटरले दोहोरो अंकमा रन बनाउन सकेनन् । १० रन अतिरिक्त पाएको थियो ।

विदर्भले बचाउ गरेको यो रणजी ट्रफीमा सबैभन्दा कम रन हो । यसअघि सन् १९४८/४९ को संस्करणमा विहारले दिएको ७८ रनको विजयी लक्ष्य पछ्याएकोे दिल्ली २१ ओभरमा ४८ रनमा अल आउट भएको थियो ।

विदर्भलाई जिताउन बायाँ हाते स्पिनर आदित्य सरवेटले १५.३ ओभरमा ६ मेडनसहित १७ रन खर्चेर ६ विकेट लिए । हर्ष दुवेले तीन विकेट लिए ।

विदर्भ दोस्रो इनिङमा २ सय ५४ रनमा अल आउट भयो । तर पहिलो इनिङमा ७४ रनमा अल आउट हुँदा मात्रै ७२ रनको अग्रता लिएको थियो । दोस्रो इनिङमा विदर्भका जितेश शर्माले सर्वाधिक ६९ रन बनाए । गुजरातका सिद्धार्थ देसाईले २५.५ ओभरमा ७ मेडनसहित ७४ रन खर्चेर ६ विकेट लिए ।

त्यसअघि गुजरात पहिलो इनिङमा २ सय ५६ रनमा अल आउट भयो । गुजरातका आर्या देसाईले १ सय १४ बलमा १४ चौकासहित सर्वाधिक सर्वाधिक ८८ रन बनाएका थिए । विदर्भका आदित्यले नै पाँच विकेट लिए ।

नागपुरमा टस जितेर पहिला ब्याटिङ थालेको विदर्भ भने ७४ रनमा अल आउट भएको थियो । उसका लागि सन्जय रधुनाथले सर्वाधिक ३३ रन बनाए । गुजरातका चिंतन गज र तेजस पटेलले पाँच पाँच विकेट लिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार