आजको मौसम : पहाडी भू-भागमा मेघ गर्जन र चट्याङसहित वर्षाको  सम्भावना

काठमाण्डौंः हाल देशमा पश्चिमी वायुको साथै स्थानीय वायुको प्रभाव रहेको छ।

मौसम पूर्वानुमान महाशाखाका अनुसार शनिबार देशका पहाडी भू-भागमा आंशिकदेखि सामान्यतया बदली रही बाँकी भू-भागमा आंशिक बदलीदेखि मौसम सामान्यतया सफा रहने छ। देशका पहाडी भू-भागका थोरै स्थानहरूमा मेघ गर्जन र चट्याङसहित हल्का वा क्षणिक वर्षाको  सम्भावना रहेको छ।

त्यस्तै आज राती गण्डकी र सुदूरपश्चिम  प्रदेशका पहाडी भू-भागका एक/दुई स्थानमा मेघ गर्जन-चट्याङ्गसहित हल्का-क्षणिक वर्षाको  सम्भावना रहेको महाशाखाले जनाएको छ।