सुदूरपश्चिममा २७ जनामा कोरोना संक्रमण पुष्टि, संक्रमितको संख्या ७३ पुग्यो

धनगढी । सुदूरपश्चिममा आज (मंगलबार) एकैदिन थप २७ जनामा कोरोना पुष्टि भए सँगै संक्रमितको संख्या ७३ पुगेको छ ।

मंगलबार धनगढीस्थित कोरोना परीक्षण प्रयोगशालामा १८ र सुर्खेतको प्रयोगशालामा ९ जना गरी २७ जनामा कोरोना पुष्टि भएको हो ।

धनगढीमा गरीएको परीक्षणमा पुष्टि भएका व्यक्तिको ठेगाना भने खुलाईएको छैन। सुर्खेतमा गरीएको परीक्षणमा भने अछामको मेल्लेख गाउँपालिकाका दुई महिलासहित ८ जना र मंगलसैन नगरपालिकाका एक जना गरी नौँ जनामा कोरोना पुष्टि भएको हो ।

अछाम जिल्लाकै चौरपाटी गाउँपालिकाका एक जनामा हिजो साँझ मात्रै सुर्खेतमा गरीएको परीक्षणमा कोरोना पुष्टि भएको थियो ।