यूएईबाट नेपाल आएका एक पुरुषमा पनि कोरोना संक्रमण पुष्टि

भक्तपुर । यूएईबाट नेपाल आएका एक पुरुषमा पनि कोरोना भाइरस संक्रमण पुष्टि भएको छ। संक्रमित पुरुषलाई मंगलबार राती नै टेकु अस्पताल लगिएको छ।

संक्रमित पुरुष जेठ २३ गते नेपाल आएका थिए। २९ वर्षिय उनको स्थायी ठेगाना मोरङ रहेको छ ।

संक्रमित युवक चाँगुनारायण नगरपालिका – ७ खरिपाटीस्थित विद्युत प्राधिकरणको तालिम केन्द्रमा बसेका थिए। पुरुषमा संक्रमण पुष्टि भएपछि मंगलबार शुक्रराज ट्रपिकल तथा सरुवा रोग अस्पताल टेकुमा पठाइएको महानगरीय प्रहरी परिषर भक्तपुरका प्रमुख एसपी सबिन प्रधानले जानकारी दिएका छन। उनको अवस्था सामान्य रहेको प्रहरीले जनाएको छ।

यस्तै असार २ गते नै यही टोलीकी एक महिलामा पनि कोरोना भाइरस संक्रमण पुष्टि भएको थियो।

सोही विमानमा आएकी संक्रमित तीनै जना जेठ २३ गते युनाईटेड अरब इमिरेट्स (यूएई) बाट नेपाल आएका थिए। मंगलबार कोरोना पोजेटिभ देखिएका दुवै खरिपाटीको क्वारेटाइनमा बसेका थिए। उनीहरुसहित १३ जनाको स्वाव परिक्षण गरिएको थियो।

जेठ ३० मा यी पुरुषसँगै विमानमा आएकी २६ महिलालाई कोरोना भाइरस पोजेटिभ देखिएपछि कन्ट्याक्ट ट्रेसिङको आधारमा स्वाव परिक्षण गरिएको थियो। खरिपाटिको क्वारेनटाइनमा रहेका १२ जना यूएई र १ जना कुवेतबाट नेपाल आएकाहरुको पिसिआर परिक्षण गर्दा २ जनामा कोरोना भाइसर संक्रमण पुष्टि भएको हो।