सुनको मूल्य घट्यो, चाँदी कति पुग्यो ?

काठमाडौं । आज सुनको भाउ सामान्य घटेको छ भने चाँदीको भाउमा सामान्य बृद्धि भएको छ।

नेपाल सुन चाँदी व्यवसायी महासंघका अनुसार आज सुनको भाउ प्रतितोलामा ६ सय रुपैयाँले घटेर प्रतितोला १ लाख ५० हजार १ सय रुपैयाँमा कारोबार भइरहेको छ । हिजो सुन प्रतितोला १ लाख ५० हजार ७ सय रुपैयाँमा कारोबार भएको थियो ।

आज चाँदीको भाउ भने सामान्य बढेको छ । आज चाँदी प्रतितोला १० रुपैयाँले बढेर १ हजार ८९० रुपैयाँमा कारोबार भइरहेको महासंघले जनाएको छ । हिजो चाँदी १ हजार ८८० रुपैयाँमा कारोबार भइरहेको थियो ।