मंग्सिर ३, २०८३ बिहिबार November 19, 2026

दक्षिण कोरियामा पूर्व रक्षा मन्त्री पक्राउ

संसदमा येओल विरुद्धको महाभियोगको प्रस्ताव असफल भएपछि योङ–ह्यून समातिए

शेयर गर्नुहोस:
फन्ट परिवर्तन गर्नुहोस: अ अ अ

एजेन्सी । दक्षिण कोरियामा पूर्व रक्षा मन्त्री पक्राउ परेका छन् ।

राष्ट्रपति यून सुक येओललाई सैन्य शासन लगाउन सुझाव दिएका पूर्व रक्षा मन्त्री किम योङ–ह्यून आज (आइतबार) पक्राउ परेका हुन् ।

अभियोजनकर्ताहरूको विशेष अनुसन्धान टोलीले किमलाई नियन्यन्त्रमा लिएर फोन पनि जफ्त गरेको छ । किम स्वेच्छिक रुपमा सोल केन्द्रीय जिल्ला अदालत अभियोजनकर्ताहरूको कार्यालयमा पुगे पछि पक्राउ परेका हुन् ।

अन्तर्राष्ट्रिय सञ्चार माध्यमका अनुसार पक्राउ पर्नु अघि अनुसन्धानकर्ताहरूले किम सँग सोधपुछ समेत गरेको थियो । विपक्षीहरूले देशको लोकतन्त्र र स्थायित्वलाई खतरामा पारेको आरोप लगाउँदै योओलले मंगलबार राति शैन्य शासन लागू गरेका थिए ।

शनिबार संसदमा येओल विरुद्धको महाभियोगको प्रस्ताव असफल भएपछि योङ–ह्यून समातिएका हुन् । महाभियोग प्रस्ताव विफल भएपनि राजीनामा दिनु अघि राष्ट्रपतिको कतव्र्य बाट उनलाई पूरै बाहिर राखिने सत्तारुढ दलले जनाएको छ ।

राजीनामा अघि येओललाई विदेशी र अन्य राजकीय मामिलामा संलग्न नगराइने सत्तारुढ दलले जनाएको समाचारमा उल्लेख छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया