मंग्सिर ३, २०८३ बिहिबार November 19, 2026

कार्नीको जितपछि क्यानाडासँगको सम्बन्ध सुधार गर्न चीन तयार

शेयर गर्नुहोस:
फन्ट परिवर्तन गर्नुहोस: अ अ अ

बेइजिङ, १६ वैशाख (रासस/एएफपी) : प्रधानमन्त्री मार्क कार्नीले आफ्नो लिबरल पार्टीलाई सत्तामा अर्को कार्यकालका लागि नेतृत्व गर्न देशको चुनाव जितेपछि क्यानाडासँग सम्बन्ध सुधार गर्न खुला रहेको चीनले मङ्गलबार बताएको छ ।

“चीन आपसी सम्मान, समानता र आपसी लाभका आधारमा चीन–क्यानाडा सम्बन्ध विकास गर्न इच्छुक छ”, विदेश मन्त्रालयका प्रवक्ता गुओ जियाकुनले भन्नुभयो ।

क्यानाडामा परिणामहरू लिबरलहरूको लागि असाधारण पुनरागमन हो । लिबरलहरू वर्षको सुरुमा चुनावबाट बढारिनेतर्फ उन्मुख देखिन्थे ।

बेइजिङले मङ्गलबार कार्नीलाई बधाई दिनबाट टाढा रह्यो, तर भन्यो, “चीन–क्यानाडा सम्बन्धबारे चीनको स्थिति सुसङ्गत र स्पष्ट छ ।”

बेइजिङ र ओटावाबीचको सम्बन्ध हालका वर्षहरूमा तनावपूर्ण रहेको छ ।

सन् २०१८ डिसेम्बरमा भ्यानकुभरमा अमेरिकी वारेन्टमा एक वरिष्ठ चिनियाँ दूरसञ्चार कार्यकारीको गिरफ्तारी र बेइजिङले जासुसीको आरोपमा दुई क्यानाडालीलाई प्रतिशोधात्मक हिरासतमा लिएकोले सम्बन्ध गहिरो रूपमा चिसिएको छ ।

सन् २०१९ र २०२१ मा क्यानाडाको चुनावमा चिनियाँ हस्तक्षेपको आरोप लागेपछि सम्बन्ध थप तनावपूर्ण भएको थियो । उक्त हस्तक्षेपको आरोपलाई बेइजिङले अस्वीकार गरेको छ ।

बेइजिङमा सत्तारूढ कम्युनिस्ट पार्टीको मुखर आलोचक रहेका क्यानाडाली विपक्षी सांसद र उहाँको परिवारलाई लक्षित गरेको आरोपमा विदेशमन्त्री मेलानी जोलीले सन् २०२३ मा एक चिनियाँ कूटनीतिज्ञलाई निष्कासन गर्नुभएको थियो ।

ओटावाले हङकङमा सुरक्षा कडाइ र चीनको उइगुर मुस्लिम अल्पसङ्ख्यकहरूको व्यवहारको पनि आलोचना गरेको छ ।

गत महिना जोलीले ओटावामा पत्रकारहरूलाई क्यानाडाको दयाको अपिललाई अवज्ञा गर्दै चीनले हालका हप्ताहरूमा चार क्यानाडाली नागरिकहरूलाई मृत्युदण्ड दिएको बताउनुभयो ।

चीनले मृत्युदण्ड कार्यान्वयन गर्दा ‘कानूनअनुसार’ काम गरेको दाबी गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
जसपाबाट निर्वाचित उपप्रमुख, उपाध्यक्ष र वडाध्यक्षसहित १८ जनाको पद चैट
२०८३ मंग्सिर ३, बिहिबार
जलवायु परिवर्तन र हिमाली संरक्षणमा नेपाल–भारत सहकार्य गर्ने प्रतिबद्धता
२०८३ मंग्सिर ३, बिहिबार
राप्तीसोनारीका दश परिवारलाई जग्गाधनी प्रमाणपुर्जा वितरण
२०८३ मंग्सिर ३, बिहिबार
कोप-३१ सम्म जलवायु लक्ष्य कार्यान्वयनमा तीव्रता दिन आग्रह
२०८३ मंग्सिर ३, बिहिबार
आजका लागि तोकियो विदेशी मुद्राको विनिमयदर
२०८३ मंग्सिर ३, बिहिबार
स्थानीय निर्वाचनसम्बन्धी एमालेको १३ बुँदे कार्ययोजना
२०८३ मंग्सिर ३, बिहिबार
दानबहादुरको मुद्दालाई अग्राधिकार
२०८३ मंग्सिर ३, बिहिबार