मंग्सिर ३, २०८३ बिहिबार November 19, 2026

ह्वाइट हाउसले इरानलाई ‘स्वीकार्य’ आणविक सम्झौताको प्रस्ताव पठाएको छ :अमेरिकी मिडिया

इरानलाई युरेनियमको सबै संवर्धन रोक्न आह्वान गर्ने र आणविक ऊर्जा उत्पादन गर्न क्षेत्रीय समूह बनाउने प्रस्ताव

शेयर गर्नुहोस:
फन्ट परिवर्तन गर्नुहोस: अ अ अ

वासिङ्टन, १८ जेठ (रासस/एएफपी) : संयुक्त राज्य अमेरिकाले इरानलाई आणविक सम्झौताको एक प्रस्ताव पठाएको छ । उक्त प्रस्तावलाई ह्वाइट हाउसले ‘स्वीकार्य’ र स्वीकार गर्नु इरानको ‘सर्वोत्तम हित’ मा रहेको बताएको अमेरिकी मिडियाले शनिबार रिपोर्ट गरेको छ ।

यो प्रस्ताव संयुक्त राष्ट्रसङ्घको एक प्रतिवेदनले इरानले उच्च संवर्धित युरेनियमको उत्पादन बढाएको भनेको केही समयपछि आएको हो ।

इरानी विदेशमन्त्री अब्बास अराघचीले शनिबार तेहरानको भ्रमणका क्रममा उहाँका ओमानी समकक्षीले उहाँलाई ‘अमेरिकी प्रस्तावका तत्वहरू’ प्रस्तुत गर्नुभएको बताउनुभयो ।

“विशेष दूत विटकफले इरानी शासनलाई विस्तृत र स्वीकार्य प्रस्ताव पठाउनुभएको छ र यसलाई स्वीकार गर्नु उनीहरूको सर्वोत्तम हितमा छ”, ह्वाइट हाउसका प्रेस सचिव क्यारोलिन लेभिटले न्युयोर्क टाइम्सलाई बताउनुभयो ।

कूटनीतिक आदानप्रदानसँग परिचित अधिकारीहरूलाई उद्धृत गर्दै न्युयोर्क टाइम्सका अनुसार यो प्रस्तावलाई पूर्ण मस्यौदाको सट्टा बुलेट विन्दुहरूको शृङ्खलाका रूपमा वर्णन गरिएको छ ।

यसले इरानलाई युरेनियमको सबै संवर्धन रोक्न आह्वान गर्दछ र आणविक ऊर्जा उत्पादन गर्न क्षेत्रीय समूह बनाउने प्रस्ताव गर्दछ, जसमा इरान, साउदी अरेबिया र अन्य अरब राज्यहरू साथै संयुक्त राज्य अमेरिका समावेश हुनेछन् ।

सन् २०१८ मा आफ्नो पहिलो कार्यकालमा राष्ट्रपति डोनाल्ड ट्रम्पले त्यागेको प्रमुख शक्तिहरूसँगको सम्झौता प्रतिस्थापन गर्न नयाँ सम्झौताको खोजीमा इरानले अमेरिकासँग पाँच चरणको वार्ता गरेको छ ।

अराघचीले शनिबार इरानले आणविक हतियारहरूलाई ‘अस्वीकार्य’ ठानेको बताउनुभएको थियो ।

ट्रम्पले इरानसँग ‘आणविक हतियार हुन सक्दैन’ भन्दै चाँडै सम्झौता गर्ने आशा व्यक्त गरेको एक दिनपछि उहाँको यस्तो टिप्पणी आएको हो ।

अन्तर्राष्ट्रिय आणविक ऊर्जा एजेन्सी (आइएइए) को पछिल्लो रिपोर्टअनुसार इरानले आफ्नो युरेनियमको भण्डार तीव्र रूपमा बढाएर ६० प्रतिशतसम्म पु¥याएको छ । यो आणविक हतियारका लागि आवश्यक लगभग ९० प्रतिशतको नजिक छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
जसपाबाट निर्वाचित उपप्रमुख, उपाध्यक्ष र वडाध्यक्षसहित १८ जनाको पद चैट
२०८३ मंग्सिर ३, बिहिबार
जलवायु परिवर्तन र हिमाली संरक्षणमा नेपाल–भारत सहकार्य गर्ने प्रतिबद्धता
२०८३ मंग्सिर ३, बिहिबार
राप्तीसोनारीका दश परिवारलाई जग्गाधनी प्रमाणपुर्जा वितरण
२०८३ मंग्सिर ३, बिहिबार
कोप-३१ सम्म जलवायु लक्ष्य कार्यान्वयनमा तीव्रता दिन आग्रह
२०८३ मंग्सिर ३, बिहिबार
आजका लागि तोकियो विदेशी मुद्राको विनिमयदर
२०८३ मंग्सिर ३, बिहिबार
स्थानीय निर्वाचनसम्बन्धी एमालेको १३ बुँदे कार्ययोजना
२०८३ मंग्सिर ३, बिहिबार
दानबहादुरको मुद्दालाई अग्राधिकार
२०८३ मंग्सिर ३, बिहिबार