उत्तरपूर्वी स्पेनमा डढेलोः १८ हजार मानिस घरमै थुनिए

स्पेन, असार २५ गते । जङ्गलमा लागेको डढेलो नियन्त्रण बाहिर जाँदा उत्तरपूर्वी स्पेनका नौ नगरपालिकामा लगभग १८ हजार मानिस आफ्नो घरमा सीमित भएका छन् ।

क्याटालोनियाको तारागोना नजिकै तीन हजार हेक्टरभन्दा बढी जङ्गल जलेर नष्ट भएको छ । साथै आगोसँग सयौं अग्निनियन्त्रक र स्पेनको आपतकालीन सैन्य एकाइका सदस्यहरू लडिरहेका छन् ।

डढेलोका कारण अझै स्पष्ट भएको छैन । पहाडी भूभागमा अग्निनियन्त्रकहरूले कठिन परिस्थितिको सामना गरिरहेका छन् । तापक्रम लगभग ३५ डिग्री सेन्टिग्रेड पुगेको छ । प्रतिघण्टा ९० किलोमिटरभन्दा बढीको गतिमा हावा चलेको छ ।  सिन्ह्वा/ न्यूज एजेन्सी नेपाल