मंग्सिर ३, २०८३ बिहिबार November 19, 2026

दक्षिण कोरियामा भिषण बाढी र पहिरो, १४ को मृत्यु, १२ अझै बेपत्ता

पहिरोले घरहरू र बाढीले बगाउँदा चारजना बेपत्ता

शेयर गर्नुहोस:
फन्ट परिवर्तन गर्नुहोस: अ अ अ

सियोल, ४ साउन । दक्षिण कोरियामा भारी वर्षाको कारण मृत्युको संख्या १४ पुगेको छ ।

आपतकालिन निकायकाअधिकारीहरूले भनेका छन कि अधिक मृत्युको डर बढ्दै जाँदा, प्रकोप सुरु भएदेखि थप १२ जना अझै बेपत्ता रहेका छन् ।

स्थानिय मिडियाले सरकारी अधिकारीहरूलाई उद्धृत गर्दै गपेयोङको रिसोर्ट सहरमा आइतबार पहिरोले घरहरू र बाढीले बगाउँदा चारजना बेपत्ता भएको जनाएको छ ।

सो पहिरोमा परी घर भत्किँदा ७० वर्षकी एक महिलाको मृत्यु भएको छ भने ४० वर्षका एक पुरुषको शव पुल नजिकै डुबेको अवस्थामा फेला परेको दक्षिण कोरियाको आधिकारिक समाचार एजेन्सी योनहापले जनाएको छ।

आइतबार बिहान सियोलबाट ७० किलोमिटर (४० माइल) पूर्वमा रहेको ग्योङगी प्रान्तको क्षेत्रमा लगभग १७० मिमी (६.७ इन्च) वर्षा रेकर्ड गरिएको थियो। तर अधिकांश मृत्यु सान्चेङको दक्षिणी काउन्टीमा भएको छ, जहाँ बुधबारदेखि झण्डै ८०० मिमी (३१.५ इन्च) वर्षा भएको छ।

खोज र उद्धार कार्यको क्रममा आइतबार बिहानै त्यहाँ दुईवटा शव फेला परेका थिए, जसले ग्रामीण काउन्टीमा मृत्यु हुनेको संख्या ८ पुगेको छ, ६ जना अझै बेपत्ता छन्।

साथै, बेपत्ता भएका १२ जनामध्ये दुई जना दक्षिणपश्चिमी सहर ग्वाङ्जुरहेको योनहापले जनाएको छ। योनहापले अधिकारीहरूलाई पनि उद्धृत गरेको छ कि उनीहरूले बाढीले बगाएको सडक, माटोको क्षति र सार्वजनिक सुविधाहरू ध्वस्त भएको र भवन र खेतबारी जस्ता निजी सम्पत्तिमा क्षति पुगेको भन्दै १ हजार ९६१ उजुरी दर्ता भएका छन् । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया