मंग्सिर ३, २०८३ बिहिबार November 19, 2026

रुसी आक्रमणमा युक्रेनमा पाँचको मृत्यु, युक्रेनी ड्रोन आक्रमणले रुसको तेल प्रशोधन केन्द्रमा क्षति

युक्रेनले रुसको तेल तथा ग्यास पूर्वाधारलाई निशाना बनाई युद्धको आर्थिक स्रोत कम्जोर बनाउने रणनीति

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः युक्रेनमा रुसद्वारा गरिएको नयाँ गोलाबारी र ड्रोन आक्रमणमा पाँच जनाको ज्यान गएको छ भने युक्रेनले रुसको साराटोभ क्षेत्रमा रहेको एक ठूला तेल प्रशोधन केन्द्रमा आक्रमण गरेको दाबी गरेको छ ।

युद्ध जारी भइरहेकै बीच संयुक्त राज्य अमेरिका र रुसले शिखर वार्ता गर्ने सहमति जनाए पनि युक्रेन भने त्यसमा समावेश गरिएको छैन ।
युक्रेनी राष्ट्रिय प्रहरीले जनाएको अनुसार, जापोरिझ्झिया क्षेत्रमा तीन जनाको मृत्यु र एक जना घाइते भएका छन् । त्यसैगरी, पूर्वी डोनेत्स्क क्षेत्रमा थप दुई सर्वसाधारणको ज्यान गएको हो ।

यसैबीच, कालो सागरस्थित ओडेसा शहरमा प्रतिबन्धित क्षेत्रमा पौडी खेल्ने क्रममा सुरुङ विस्फोट हुँदा तीन जनाको मृत्यु भएको छ । उक्त क्षेत्रमा रुसको सम्भावित समुद्री आक्रमण रोक्न बारुदी सुरुङहरू बिछ्याइएको थियो ।

युक्रेनी सेनाले करिब एक हजार किलोमिटर टाढा पर्ने रुसको साराटोभ क्षेत्रमा ड्रोनमार्फत आक्रमण गरी तेल प्रशोधन केन्द्रमा क्षति पु¥याएको दाबी गरेको छ । साराटोभका गभर्नर रोमन बुसार्गिनले ‘एक औद्योगिक संरचना क्षतिग्रस्त भएको’ र एक व्यक्तिको मृत्यु भएको पुष्टि गरेका छन् ।

रुसको बेलगोरोद क्षेत्रमा पनि युक्रेनी आक्रमणका कारण एक महिलाको ज्यान गएको स्थानीय अधिकारीहरूले जनाएका छन् । यो क्षेत्र सधैं युक्रेनी हमलाको जोखिममा रहने सीमावर्ती क्षेत्र हो ।

युक्रेनले रुसको तेल तथा ग्यास पूर्वाधारलाई निशाना बनाई युद्धको आर्थिक स्रोत कम्जोर बनाउने रणनीति अघि बढाइरहेको छ ।युक्रेनी सेनाले सुमी क्षेत्रमा पर्ने बेजसालिभ्का गाउँ पुनः आफ्नो नियन्त्रणमा लिएको दाबी गर्दैछ, जबकि रुसले पछिल्लो समय पूर्वी युक्रेनमा उल्लेखनीय सफलता हासिल गरेको छ ।

यसैबीच, रुसी राष्ट्रपति भ्लादिमिर पुटिन र अमेरिकी पूर्वराष्ट्रपति डोनाल्ड ट्रम्पबीच आगामी शुक्रबार अमेरिकाको अलास्का राज्यमा द्विपक्षीय वार्ता हुने तय भएको छ । तर, युक्रेन र युरोपेली मुलुकहरूले यस्ता वार्तामा युक्रेनलाई समावेश नगरी समाधान खोज्न खोज्नु अनुचित हुने बताएका छन् । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया