मंग्सिर ३, २०८३ बिहिबार November 19, 2026

इरानमाथि युरोपेली प्रतिबन्ध रुसद्वारा अस्वीकार

रुसले यसले इरानी आणविक सङ्कटको शान्तिपूर्ण समाधानमा जोखिम ल्याउने चेतावनी

शेयर गर्नुहोस:
फन्ट परिवर्तन गर्नुहोस: अ अ अ

मस्को, भदौ १३ गते । सन् २०१५ को आणविक सम्झौताको पालनामा तेहरान असफल भएपछि बेलायत, फ्रान्स र जर्मनीले प्रतिबन्ध पुनः लागू गर्ने प्रयास थालेपछि रुसले शुक्रबार यसले ‘अपूरणीय परिणाम’ निम्त्याउन सक्ने चेतावनी दिएको छ ।

“अपूरणीय परिणाम र थप त्रासदी निम्त्याउनु अघि आफ्ना गलत निर्णयमा पुनर्विचार गर्न हामी दृढतापूर्वक आग्रह गर्दछौँ”, रुसको विदेश मन्त्रालयले विज्ञप्तिमा भनेको छ । रुसले तीन युरोपेली देशमाथि इरानको आणविक कार्यक्रमलाई लिएर जारी गतिरोधको शान्तिपूर्ण समाधान खोज्ने कूटनीतिक प्रयासलाई कमजोर पारेको आरोप लगाएको छ ।

रुस संयुक्त राष्ट्र सुरक्षा परिषद्को स्थायी सदस्य र सन् २०१५ को संयुक्त व्यापक कार्य योजना (जेसिपिओए) को पक्ष हो । जेसिपिओएले इरानलाई प्रतिबन्ध हटाउने बदला प्रतिबन्ध निलम्बन गरेको थियो । एएफपीले देखेको पत्रअनुसार, फ्रान्स, बेलायत र जर्मनीले संयुक्त राष्ट्र सुरक्षा परिषदलाई उनीहरूले सम्झौता अन्तर्गत इरानले आफ्ना प्रतिबद्धताको उल्लेखनीय गैर-प्रदर्शनमा रहेको विश्वास गरेको सूचित गरेका छन् ।

इरानले यस कदमलाई ‘उचित प्रतिक्रिया’ भनेको छ, तर रुसले यसले इरानी आणविक सङ्कटको शान्तिपूर्ण समाधानमा जोखिम ल्याउने चेतावनी दिएको छ । तेहरान र मस्कोले विगत एक दशकदेखि राजनीतिक, सैन्य र आर्थिक सम्बन्ध बलियो बनाउँदै आएका छन् र विशेष गरी रुसले युक्रेनमा आक्रमण गरेपछि दुई देशबिचको सम्बन्ध अझ नजिक भएको छ । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया