संसद पुनर्स्थापना सम्बन्धी एमालेको रिट सर्वोच्चमा दर्ता

काठमाडौँ । नेकपा (एमाले)ले प्रतिनिधिसभा पुनस्र्थापनाको माग गर्दै सर्वोच्च अदालतमा पेस गरेको रिट दर्ता बुधबार दर्ता भएको छ ।

एमालेका तर्फबाट नेता महेश बर्तौला र सुनिता बरालले मंगलबार पेस गरेको रिट बुधबार दर्ता भएको बर्तौलाले जानकारी दिए ।

‘हाम्रोतर्फबाट पेस भएको रिट बुधबार दर्ता भएको छ । पेसी मंसिर १७ गतेका लागि तोकिएको छ’, बर्तौलाको भनाइ छ ।

एमालेले रिटमा राष्ट्रपति कार्यालय, प्रधानमन्त्री सुशीला कार्की, प्रधानमन्त्री तथा मन्त्रिपरिषद्को कार्यालय, निर्वाचन आयोग र संसद् सचिवालयलाई विपक्षी बनाएर रिट दिएको हो ।