प्रतिनिधि सभाका दुई समितिको बैठक बस्दै

काठमाडौँ । आज प्रतिनिधि सभा अन्तर्गतका दुई समितिको बैठक बस्दैछ । आज अर्थ समिति र महिला तथा सामाजिक मामिला समितिको बैठक बस्दैछ ।

बिहान ११ बजे बस्ने अर्थ समितिको बैठकमा आर्थक बर्ष २०८३/८४ को मौद्रिक नीतिमा समेट्नु पर्ने विषयहरूका सम्बन्धमा विज्ञ एवं सरोकारवालाहरूसँग छलफलको कार्यसूची रहेको समितिले जनाएको छ ।

त्यस्तै दिउसो २ बजेदेखि शुरु हुने महिला तथा सामाजिक मामिला समितिको बैठकमा समितिको कार्यविधि तथा आचार संहिता मस्यौदा उपसमितिले तयार पारेको प्रतिवेदनका सम्बन्धमा र समितिको हालै सम्पन्न स्थलगत अनुगमन भ्रमणको प्रतिवेदनका सम्बन्धमा छलफल हुने कार्यसूची रहेको छ ।