हराएको कुकुर मृत भेटिएपछि पिडा सहन नसकेर आत्महत्या

काठमाण्डौंः घरमा पालेको कुकुर हराए पछि भारतको मध्यप्रदेशमा एउटा दुःखदायी घटना भएको छ ।

मध्यप्रदेशको छिन्दवाडा जिल्लाको सोनपुर मल्टीका वासिन्दा सोमदेव मण्डलको घरपालुवा कुकुर हराएको २ दिनपछि मृत फेला परेका थियो । जसले गर्दा सोमदेव एकदमै शोकमा परे ।

कुकुरको मृत्युपछि आफ्नो सुनसान घरमा सोमदेवले आत्महत्या गरेको खबर प्रहरी कार्यालयमा पुगेपछि सबै झस्किएका छन । मृतक सोमदेवका छोरा अमन मण्डलले भने, ‘हाम्रो घरमा एउटा कुकुर थियो । जसको मृत्यु भएपछि बुवा दुःखी थिए । उनले रक्सी पिएका थिय । हामी दिउँसो कामबाट घर फर्किंदा उनले घाँटीमा डोरी बाँधेर फाँसी लगाएको देख्यौं ।’

स्थानीय कोतवाली थानाका प्रभारी मनीषराज भदौरियाले घटनाको जानकारी पाएपछि एक जना झुण्डिएको अवस्थामा फेला परेका जानकारी दिएको भारतीय सञ्चारमाध्यमले जानकारी दिएका छन । प्रहरीका अनुसार कुकुरको मृत्युपछि शोकमा परेर आत्महत्या गरेको जानकारी परिवारजनले दिएको हो ।