कार्तिक ३०, २०८३ सोमबार November 16, 2026

सुत्केरीको मृत्युपछि अस्पतालमा विवाद, प्रदर्शनका क्रममा पाँच जना प्रहरी नियन्त्रणमा

दुई नवजात शिशुको पालनपोषण र शिक्षादीक्षाको सम्पूर्ण जिम्मा अस्पतालले लिनुपर्ने माग

शेयर गर्नुहोस:
फन्ट परिवर्तन गर्नुहोस: अ अ अ

बाँके । जुम्ल्याहा सन्तानलाई जन्म दिएकी १९ वर्षीया पवित्रा केसीको उपचारका क्रममा मृत्यु भएपछि नेपालगन्जस्थित सञ्जीवनी कलेज अफ मेडिकल साइन्सेसमा तनाव उत्पन्न भएको छ।

उपचारमा चिकित्सकीय लापरबाही भएको आरोप लगाउँदै पीडित पक्षले दोषीमाथि कारबाही, उचित क्षतिपूर्ति र दुई नवजात शिशुको भविष्यको पूर्ण जिम्मेवारी अस्पतालले लिनुपर्ने माग गरेका छन्।

बर्दियाको बढैयाताल गाउँपालिका–७ की पवित्रालाई पेट दुखेको समस्या देखिएपछि कात्तिक २६ गते उक्त अस्पतालमा भर्ना गरिएको थियो। सात महिनाकी गर्भवती उनमा जन्डिस, ज्वरो र ‘सेप्सिस’ (गम्भीर संक्रमण) देखिएको अस्पताल प्रशासनले जनाएको छ।

स्वास्थ्य अवस्था जटिल बन्दै गएपछि कात्तिक २७ गते साँझ शल्यक्रियामार्फत उनको गर्भबाट एक छोरा र एक छोरी निकालिएको थियो। शल्यक्रियाका क्रममा करिब १ हजार २ सय मिलिलिटर रगत बगेको अस्पतालको भनाइ छ। त्यसपछि पनि रक्तस्राव नरोकिएपछि चिकित्सकले पाठेघर निकालेर ज्यान बचाउने प्रयास गरेका थिए। तर, स्वास्थ्य अवस्थामा सुधार आउनुको सट्टा थप बिग्रँदै गएपछि कात्तिक २९ गते राति पौने १ बजे उनको मृत्यु भयो।

अस्पतालका अनुसार गम्भीर संक्रमण र गर्भावस्थाका जटिलताका कारण शरीरका महत्त्वपूर्ण अङ्गले काम गर्न छाड्ने अवस्था विकसित भएकाले उनको निधन भएको हो। अस्पतालले बिरामीको उपचारमा सम्भव भएसम्मका सबै चिकित्सा उपाय अपनाएको दाबी गरेको छ।

यता, मृतकका परिवारले भने चिकित्सकीय लापरबाहीकै कारण ज्यान गएको दाबी गर्दै निष्पक्ष छानबिन र क्षतिपूर्तिको माग गरेका छन्। मृतककी हजुरआमा विष्णुमाया आचार्यले दुई नवजात शिशुको पालनपोषण र शिक्षादीक्षाको सम्पूर्ण जिम्मा अस्पतालले लिनुपर्ने बताएकी छन्।

विरोध प्रदर्शनका क्रममा सडक अवरुद्ध भएपछि प्रहरीले पाँच जनालाई नियन्त्रणमा लिएको छ। मृतकको शव अझै अस्पतालमै राखिएको छ भने सोमबार अस्पताल प्रशासन, प्रहरी र पीडित परिवारबीच सहमति जुटाउने प्रयास जारी छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
स्थानीय निर्वाचन गैरदलीय बनाउन कुलमान घिसिङको माग
२०८३ कार्तिक ३०, सोमबार
भोटेकोशी बाढी प्रभावित जिल्लामा पुनर्निर्माण शीघ्र सुरु हुन्छ : मख्यमन्त्री मगर
२०८३ कार्तिक ३०, सोमबार
नागरिकको स्वास्थ्य सेवाप्रति प्रदेश सरकार गम्भीर छ: मुख्यमन्त्री पाण्डे
२०८३ कार्तिक ३०, सोमबार
सुत्केरीको मृत्युपछि अस्पतालमा विवाद, प्रदर्शनका क्रममा पाँच जना प्रहरी नियन्त्रणमा
२०८३ कार्तिक ३०, सोमबार
रास्वपाको आन्तरिक विवादमा एमालेले हस्तक्षेप गर्दैन : योगेश भट्टराई
२०८३ कार्तिक ३०, सोमबार
७७ वटै जिल्लाबाट स्थानीय तहका सम्भावित उम्मेदवारको नाम सङ्कलन गर्दै जय नेपाल पार्टी
२०८३ कार्तिक ३०, सोमबार
न्युजिल्यान्डको सेवा क्षेत्रमा साढे तीन वर्षयताकै उच्च वृद्धि, अर्थतन्त्रमा सुधारको सङ्केत
२०८३ कार्तिक ३०, सोमबार