कार्तिक १९, २०८३ बिहिबार
November 5, 2026
न्युज डेस्क
२०७६ असोज २६, आइतबार
काठमाण्डौं: नेपाली काँग्रेसले विजयादशमी, दीपावली, छठ र नेपाल सम्वतको अवसरमा पार्टी केन्द्रीय कार्यालय सानेपामा चियापान कार्यक्रमको आयोजना गरेको छ ।
आईतबार भएको चियापान समारोहमा प्रधानमन्त्री, मन्त्रीहरु, विभिन्न राजनीतिक दलका नेताहरु, सञ्चार माध्यम, नागरिक समाज र सामाजिक जीवनका विशिष्ट व्यक्तिहरुको उपस्थिति रहेको थियो ।
नेपाली काँग्रेसका सभापति शेरबहादुर देउवाले चियापान जस्ता कार्यक्रममा हुने शीर्ष राजनीतिक भेटघाटले मुलुकका ठूला समस्यालाई वार्ता, छलफल र सहमतिद्धारा समाधान गर्न सकिने विश्वास व्यक्त गरेका छन् ।
शुभकामना एवं चियापान कार्यक्रममा प्रधानमन्त्री केपी शर्मा ओलीले काँग्रेससँग लोकतन्त्रको लागि सँगै लडेको स्मरण गर्दै बिगत चार दशकदेखी सम्बन्ध राम्रो भएको बताएका थिए ।
यसैगरी नेकपा अध्यक्ष पुष्पकमल दाहाल प्रचण्डले राजनीतिमा असम्भव भन्ने चिज नभएको भन्दै भविष्यमा राजनीतिले कोल्टे फेर्न सक्ने बताएका थिए ।
कार्यक्रममा सत्तारुढ दल समाजवादी पार्टी, नेपालका संघीय परिषदका अध्यक्ष डा. बाबुराम भट्टराई, नेकपा बरिष्टनेताद्धय माधवकुमार नेपाल र झलनाथ खनाल लगायतले शुभकामना सन्देश दिएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया