मृर्गौला तश्करीमा संलग्न निदान अस्पतालका डाक्टर सहित ५ जना पक्राउ

काठमाण्डौं: मृर्गौला तस्करी गरेको आरोपमा निदान अस्पतालका डाक्टर सहित ५ जनालाई प्रहरीले पक्राउ गरेको छ ।

ललितपुरको स्थित निदान अस्पतालमा एक व्यक्तिको नाममा अर्कैको मृर्गौला झिकेको आरोपमा अस्पतालका कार्यकारी अधिकृत विपेन्द्र प्रधान सहित पाँच जनालाई नेपाल प्रहरीको मानव बेचविखन अनुसन्धान ब्यूरोबाट खटिएको टोलीले पक्राउ गरेको हो ।

उक्त घटना पश्चात सीईओ प्रधान सहित (मृर्गौला लिने बिरामी) रामेछाप दोरम्बा स्थायी घर भइ स्वयम्भु बस्ने शंकरलाल लामा, अस्पतालका कानुनी सल्लाहकार कुमार भट्टराई, डा. राजेश पन्त, ललितपुरका शाखा अधिकृत रामचन्द्र आलेलाई नियन्त्रणमा लिई अनुसन्धान गरिरहेको ब्यूरोका प्रवक्ता एसपी गोविन्द थपलियाले बताएका छन् ।