अभिनेता अजय देवगनको बहुप्रतीक्षित फिल्म ‘मैदान’ आगामी दशैंमा सिनेमाघरमा रिलिज हुने

काठमाण्डौंः अभिनेता अजय देवगनको नयाँ चलचित्रको बारेमा महत्वपूर्ण घोषणा गरिएको छ । अजय देवगनले शनिवार भने, बहुप्रतीक्षित फिल्म ‘मैदान’ १५ अक्टुबर २०२१ मा सिनेमा घरहरूमा रिलीज हुनेछ ।

यो फिल्म भारतीय फुटबलको सुनौलो चरणमा आधारित छ । उनको यो चलचित्र अगस्तमा रिलिज हुने तयारी थियो तर कोरोना सङ्क्रमणका कारण फिल्मको शुटिङ प्रभावित भयो ।

अजय देवगनले ट्वीटरमा फिल्मको नयाँ पोस्टर शेयर गर्दै लेखेका छन्– मैदान आगामी दशैंमा सिनेमाघरमा रिलिज हुनेछ । मैदान एकैसाथ धेरै भाषामा रिलिज हुनेछ । हिन्दीको साथै यो फिल्म तमिल, तेलुगु र मलयालम भाषामा पनि रिलिज हुनेछ ।

मैदानमा अजय देवगनले सøयद अब्दुल रहिमको पात्रको भूमिकामा छन्, जुन सन् १९५० देखि १९६३ सम्म पूmटबल टीमको कोच र मैनेजर थिए । चलचित्रको निर्देशन अमित रवीन्द्रनाथ शर्माले गरिरहेका छन् । यस फिल्ममा अजय देवगनबाहेक प्रियामणि, गजराव राव र बोमन इरानी मुख्य भूमिकामा छन् । -एजेन्सी