सुदूरपश्चिम प्रदेशसभामा तटस्थ बस्ने काँग्रेस संसदिय दलको निर्णयः एमालेको माधव समुहले भट्टलाई मत दिने

काठमाण्डौंः नेपाली कांग्रेस सुदूरपश्चिम संसदीय दलको बैठकले सुदूरपश्चिम प्रदेशसभामा तटस्थ बस्ने निर्णय गरेको छ । नेकपा माओबादी केन्द्रका तर्फबाट मुख्यमन्त्रीका प्रत्यासी त्रिलोचन भट्टलाई विश्वासको मत दिने कि नदिने भन्ने विषयमा मंगलबार बिहान भएको छलफलमा तटस्थ बस्ने निर्णय गरेको हो ।

यसैबीच सत्तारुढ नेकपा एमालेको माधवकुमार नेपाल समुहले सुदूरपश्चिम प्रदेशसभामा मुख्यमन्त्री भट्टलाई विश्वासको मत दिने भएपछि कांग्रेसले तटस्थ बस्ने नयाँ रणनिती अघि सारेको छ ।

मुख्यमन्त्री भट्टले नेपाल पक्षको मत पाएर बहुमत पुग्यो र विश्वासको मत लिन सफल भए आफूहरु तटस्थ बस्ने नेपाली कांग्रेसका सचेतक टेकबहादुर रैताले जानकारी दिए । ‘माधव नेपाल पक्षले विश्वासको मत दिने भनेको छ’, उनले भने, ‘यदि बहुमत पुग्यो भने हामी तटस्थ बस्छौं ।’

यस्तै, मुख्मन्त्री भट्टले विश्वासको मत लिन नसक्ने अवस्था देखिएमा मात्र मत दिने पनि उनले बताए । माधवकुमार नेपाल पक्षले मुख्यमन्त्री भट्टलाई विश्वासको मत दिने एमाले संसदीय दलले निर्णय गरेकाे छ ।

यसैगरिओली पक्षका ७ जनाले भने विश्वासको मत दिन सहमत जनाएका छन् ।