सुदूरपश्चिम प्रदेशसभाः आर्थिक कार्यविधि संशोधन अध्यादेश पारित

काठमाण्डौंः ‘सुदूरपश्चिम प्रदेश आर्थिक कार्यविधि तथा वित्तीय उत्तरदायी ऐन २०७४ लाई संशोधन गर्न बनेको अध्यादेश पारित भएको छ ।

आइतबार बसेको प्रदेशसभा बैठकमा उक्त अध्यादेश पारित भएको हो । पूर्व बजेट छलफल नीति तथा कार्यक्रम र बजेट प्रस्तुत गर्ने समयसीमा सरकारले अध्यादेश मार्फत संशोधन गरेको थियो ।

यसअघि पूर्व बजेट छलफल र बजेटको समय सीमा १५ दिन राखिएकोमा सरकारले अध्यादेशबाट उक्त दफा हटाएको थियो । शुक्रबार प्रदेशसभा बैठकमा सरकारले अध्यादेश पेश गरेको थियो ।

आइतबार आर्थिक मामिला तथा योजनामन्त्री प्रकाश शाहले अध्यादेश’ स्वीकृत गर्न सभामा प्रस्ताव पेस गरेका थिए । प्रदेशसभाले सर्वसम्मत रुपमा अध्यादेश पारित गरेको सभामुख अर्जुन बहादुर थापाले जानकारी दिनु भयो ।