मंग्सिर १, २०८३ मंगलबार November 17, 2026

सिरहाको लहान नगरपालिकाको मेयर पदमा उम्मेदवारी दिने सरिता गिरीको घोषणा

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं: सांसद पदबाट पदमुक्त गरिएकी सरिता गिरीले अब आउने स्थानीय तहको निर्वाचनमा मेयर पदमा उम्मेदवारी दिने घोषणा गरेकी छन् ।गिरीले सिरहाको लहान नगरपालिकाको मेयर पदका लागि चुनाव लड्ने घोषणा गरेकी हुन् ।

मंगलबार सामजिक सञ्जाल फेसबुकमार्फत लहान नगरपालिकाका जनता मेयर मुनी साहबाट पीडित भएको बताउँदै चुनाव लड्ने बताएकी हुन् । उनले चुनावमा जितेर अब ६ वर्ष स्थानीय स्तरमा रही जनताको सेवा गर्ने बताएकी छिन् ।

सामाजिक सञ्जाल फेसबुकमा स्टाटस लेख्दै उनले भनेकी छन्,‘म लहान नगरपालिकाको मेयर पदका लागि चुनाव लडने घोषणा गर्दछु । लहान नगरपालिकाको जनता मेयर मुनी साहबाट पीडित छन । उनको अधिनायकवादलाइ जनताले परास्त गर्ने छ । अब ५ वर्ष स्थानीय स्तरमा रही जनताको सेवा गर्ने छु ।’

उनले आफूसँग सहयोग र सम्पर्कका लागि अपील समेत गरेकी छन् ।उनले अगाडि लेखेकी छन्,‘म सबैसँग आजको दिनदेखि सहयोग र सम्पर्कका लागि हार्दिक अपील गर्दछु । स्थानीय स्तर मा लोकतन्त्र, समय सुहाँउदो विकास नीति र पारदर्शिता नभयी सबैको विकास हुन सक्दैन ।’ स्थानीय स्तरमा लोकतन्त्र, समय सुहाउँदो विकास नीति र पारदर्शिता नभए सबैको विकास हुन नसक्ने उनले बताएकी छन् ।

गिरी यसअघि प्रतिनिधि सभा सदस्य थिइन । समाजवादी पार्टीबाट सांसद बनेकी गिरीलाई २०७७ को असारमा पार्टीले हृवीप उल्लंघन गरेको भन्दै कारबाही गरेको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया