काठमाण्डौंः रक्षामन्त्री डा. मिनेन्द्र रिजालसँग अमेरिकी राजदूत र्यान्डी बेरीले शिष्टाचार भेटवार्ता गरेका छन् । रक्षा मन्त्रालयमा मंगलबार मध्यान्ह भएको भेटमा दुईदेशीय आपसी सम्बन्धबारे छलफल भएको रक्षामन्त्रीका स्वकिय सचिव राजेन्द्र पौडेलले जानकारी दिए ।
भेटमा रक्षामन्त्री रिजालले कोभिड-१९ महामारी नियन्त्रणका लागि अमेरिकाले खोप सहयोग गरेको प्रति हार्दिक धन्यवाद ब्यक्त गरेका छन् ।
अमेरिकाले आर्थिक वृद्धि, प्रकोप नियन्त्रण र कोभिड महामारीबाट बच्नका लागि दिँदै आएको सहयोगलाई निरन्तरता देओस् भन्ने हाम्रो अपेक्षा छ,’ रिजालको भनाइ उद्धृत गर्दै पौडेलले बताए ।’
उक्त भेटवार्तामा राजदूत बेरीले विगतमा भएको सहयोग निरन्तर रहने बताएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया