असार ३०, २०८२ सोमबार
July 14, 2025
युग खबर
२०७९ जेठ १३, शुक्रबार
काठमाडौंः नेपाली यु-१९ महिला टिमले मलेसियामा हुने एसीसी यु १९ विश्वकपको एसिया छनोटमा पहिलो खेल कतारसँग खेल्ने भएको छ ।
यही जेठ २० गतेबाट हुने प्रतियोगितामा नेपालको पहिलो प्रतिद्वन्द्वी कतार रहेको छ भने दोस्रो खेल जुन चार अर्थात् जेठ २१ गते युएईसँग खेल्नेछ । यस्तै नेपालको तेस्रो खेल जुन ६ मा भुटानविरुद्ध रहेको छ । नेपालले चौथो खेल सात जुनमा थाइल्यान्डसँग खेल्नेछ भने जुन नौमा मलेसियासँग खेल्नेछ ।
अर्को बर्ष दक्षिण अफ्रिकामा हुने टी २० विश्वकपका लागि भएको छनोटमा नेपाल शीर्ष स्थानमा रहेको खण्डमा त्यो ढोका खुल्नेछ । नेपालले यो प्रतियोगिता पहिलो पटक खेल्न लागेको हो । यु १९ टी २० महिला विश्वकपमा कुल १६ टिमको सहभागिता रहनेछ ।
नेपाली टिम यति बेला छनोटका लागि अन्तिम तयारीमा रहेको छ । क्यानले केही दिन अगाडी कृतिका मरासिनीको कप्तानीमा टिमको घोषणा गरेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया