मंग्सिर ४, २०८३ शुक्रबार November 20, 2026

इरानमा बाढीपहिरोः मृत्यु हुनेको सङ्ख्या ६९ पुग्यो, ४५ जना बेपत्ता

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः इरानमा एक हप्ताभन्दा बढी समयसम्म चलेको भारी वर्षाका कारण आएको बाढीले देशभरि मृत्यु हुनेको सङ्ख्या ६९ पुगेको छ । बाढी पहिरोका कारण ३९ जना घाइते भएका छन् भने अन्य ४५ जना हराइरहेका विपद् व्यवस्थापन अधिकारीले बताएका छन् ।

राष्ट्रिय प्रकोप व्यवस्थापन संगठन (एनडीएमओ)का उप–प्रमुख नेजाद जहानीले अर्धसरकारी तास्निम न्यूज एजेन्सीलाई बताए । देशका २४ प्रान्तका ६६१ क्षेत्रमा खोज, उद्धार र सहायता परिचालन भइरहेको छ ।

उद्धारलाई बढाी प्रभाबित तेहरान प्रान्तको फिरुज्कुह काउन्टीमा केन्द्रित गरिएको र बाढीले अवरुद्ध गरेका सडकहरू पुनः खाल्ने काम गरिएको इरानी रेडक्रिसेन्ट सोसाइटीका अध्यक्ष पिर–होसिन कोलिभान्डले बताए ।

उद्धार कार्य जारी रहेकाले घाइते तथा मृतकको संख्या थप बढ्ने सम्भावना रहेको जाहानीले बताए । बाढीका कारण इस्फाहान प्रान्तका १८ जिल्लामा अनुमानित २८ करोड १२ लाख अमेरिकी डलर बराबरको क्षति भएको बताइएको छ ।

बाढीले चार हजार हेक्टर खेतीयोग्य जमिन, ५० हेक्टर क्षेत्रफलमा बगैँचा, ३०सामुहिक पशुपालन केन्द्र र १० माछा खेती फार्मलाई प्रभावित बनाएको इस्फाहान, प्रकोप व्यवस्थापन संगठनका महानिर्देशक मनसौर शिशफोरशले बताए ।

उनले प्रदेशमा भीषण वर्षाका कारण ९८ किमी सडक र ६१ वटा भवन तथा पुलमा पनि क्षति पुगेको उल्लेख गरे । इरानमा भारी वर्षा सोमबारसम्म जारी रहने अनुमान गरिएको छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार