विश्वकप टी-२० को ट्रफी आज भक्तपुरमा प्रदर्शन गरिँदै

काठमाडौंः आइसीसी टी-२० विश्वकपको ट्रफी बुधबार बिहान ११ बजेदेखि १ बजेसम्म भक्तपुर दरबार स्क्वायरमा आम नागरिकका लागि राखिँदै छ ।

ट्रफी सोमबार नेपाल ल्याइएको थियो । नेपाल क्रिकेट संघ (क्यान)का अनुसार युवालाई क्रिकेटमा प्रोत्साहन गर्ने लक्ष्यले ट्रफी प्रदर्शनीमा राखिएको हो । मंगलबार ट्रफी सोलुखुम्बु जिल्लाको गोक्यो ताल र कालापत्थरमा राखिएको थियो ।

विश्वकपको ट्रफी दुई दिन नेपालमा रहने क्यानले जानकारी गराएको छ । विश्वकपको १०० दिने ट्रफी भ्रमणअन्तर्गत ट्रफी नेपाल ल्याइएको हो । ट्रफी विश्वको १३ राष्ट्रको ३५ स्थानमा प्रदर्शन गरिँदैछ। विश्वकपको ट्रफी निशान कम्पनीले विश्वभर प्रदर्शन गरिरहेको हो । न्यूज२४