मंग्सिर ५, २०८३ शनिबार November 21, 2026

नवौँ राष्ट्रिय खेलकुद : महिला क्रिकेटमा पुलिस र लुम्बिनी सेमिफाइनलमा

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः विभागीय टोली नेपाल पुलिस क्लब र लुम्बिनी प्रदेश नवौँ राष्ट्रिय खेलकुदअन्तर्गत महिला क्रिकेट प्रतियोगितामा समूह ‘बी’ बाट सेमिफाइनलमा प्रवेश गरेका छन् । समूहको अन्तिम खेलमा पुलिसले लुम्बिनीलाई ९७ रनले पराजित गरे पनि दुवै टोली अन्तिम चारमा प्रवेश गरेका हुन् ।

आज शुक्रवारको खेलमा कर्णाली प्रदेशमाथि प्रदेश १ ले सात विकेटको जित निकाले पनि नेट रनरेटका कारण लुम्बिनीभन्दा पछि रहँदा अन्तिम चारमा पुग्नबाट वञ्चित भएको हो ।

पुलिसले दिएको एक सय १३ रनको लक्ष्य पछ्याएको लुम्बिनी १५ रनमा समेटिएको थियो । लुम्बिनीका सात खेलाडीले खाता नै खोल्न सकेनन् । बलिङतर्फ पुलिसकी ईश्वरी विष्टले चार विकेट लिइन् । यस्ते रुबिना क्षेत्री र हिरनमय रोयले दुई/दुई विकेट लिए ।

यसअघि पाेखरा रङ्गशालमा पहिला ब्याटिङ गरेको पुलिसले निर्धारित २० ओभरमा सात विकेट गुमाएर एक १२ रन बनाएकाे थियो । पुलिसका लागि कविता जोशीले नटआउट ४८, सम्झना खड्काले २९ र अप्सरी बेगमले १० रन बनाइन् । बलिङतर्फ लुम्बिनीकी सुस्मिता भुषाल र मनिषा रानाले दुई/दुई विकेट लिए ।

शुक्रवारकै अर्को खेलमा प्रदेश १ ले कर्णाली प्रदेशलाई सात विकेटले हरायाे । कर्णालीले दिएकाे ५४ रनको लक्ष्य प्रदेश १ ले ६ ओभर ४ बलमा तीन विकेट गुमाउँदै पूरा गर्‍याे । प्रदेश १ का लागि निशा शाहले १८, लखिता राजवंशीले नटआउट १४ रन बनाइन् । बलिङतर्फ कर्णालीकी यमुना थारु र अञ्जु गुरुङले एक/एक विकेट लिए ।

यसअघि टस जितेर पहिला ब्याटिङ गरेको कर्णाली १६ ओभर १ बलमा ५३ रनमा अलआउट भयाे । कर्णालीका लागि यमुना थारुले २१, विना थापाले ११ रन बनाइन् । बलिङतर्फ प्रदेश १ की लखिता राजवंशीले तीन ओभरमा एक मेडनसहित पाँच रन खर्चेर चार विकेट लिइन् । यस्तै एलिसा खडियाले तीन विकेट लिइन् ।

समूह ‘बी’ बाट पुलिस विजेताको रूपमा र लुम्बिनी उपविजेताको रूपमा सेमिफाइनलमा पुगेका हुन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार