टी-२० विश्वकप क्रिकेट : श्रीलंकालाई हराउँदै इङ्ल्यान्ड सेमिफाइनलमा

तर इङ्ल्याण्डले जितेपछि समूहको तेस्रो स्थानमा रहँदै अस्ट्रेलियाको यात्रा टुङ्गियो । तीनवटै टोलीको सात अंक भए पनि रनरेटका आधारमा न्युजिल्यान्ड पहिलो र इङ्ल्यान्ड दोस्रो भए ।

शनिबार १४२ रनको सामान्य लक्ष्य इङ्ल्यान्डले १९‍.४ ओभरमा ६ विकेट गुमाएर पार गरेको थियो । उसका लागि एलेक्स हल्सले ४७ रन बनाए । यस्तै, बेन स्टोक्सले अविजित ४२ र जोस बटलरले २८ रनको योगदान गरे ।

टस जितेर ब्याटिङ रोजेको श्रीलंकाले ८ विकेट गुमाएर १४१ रन मात्रै बनाउन सक्यो । पथुम निसानकाले ६७ रन बनाए । इङ्ल्यान्डका लागि मार्क वुडले ३ विकेट लिए ।