फिफा विश्व कप : उरुग्वे र दक्षिण काेरियाबीचकाे खेल गाेलरहित बराबरीसँगै अङ्क बाँडे

काठमाण्डौंः फिफा विश्व कप फुटबल अन्तर्गत आज बिहीवार भएकाे तेस्राे खेलमा उरुग्वे र दक्षिण काेरियाले गाेलरहित बराबरी खेलेका छन् । एजुकेशन सिटी रङ्गशालामा भएकाे खेलमा दुवै टाेलीले गाेल गर्न सकेनन् ।

निकै प्रतिस्पर्धात्मक खेलमा दुवै टाेलीले पाएकाे अवसरलाई सदुपयाेग गर्न सकेनन् । दुवै टाेलीले गरेका केही प्रहार पाेस्ट नजिकैबाट बाहिरिन पुग्याे ।

यो विश्व कपमा अहिलेसम्म भएका १४ खेलमध्ये ४ वटा खेल गोलरहित बराबरीमा सकिएका छन् ।

याे बराबरीसँगै समूह ‘एच’ मा रहेका उरुग्वे र दक्षिण काेरियाले १/१ अङ्क बाँडेका छन् ।  दुवैले १-१ अंक जोडेका छन् । आजै यही समूहको अर्को खेलमा पोर्चुगल र घाना खेल्दैछन् ।