श्रावण २, २०८२ शुक्रबार
July 18, 2025
युग खबर
२०७९ पुष १९, मंगलबार
काठमाण्डौः नेपाल क्रिकेट संघ (क्यान) र भारतीय कम्पनी सेभेन थ्री स्पोट्स आयोजनामा जारी नेपाल टी २० लिगमा म्याच फिक्सिङको चर्चा शिखरमा पुगेपछि अख्तियार दुरुपयोग अनुसन्धान आयोगले अनुसन्धान थालेको छ।
मंगलबार बिहान नेपाल टी २० का कमेन्टेटर सचिन तिमल्सेनाले फिक्सिङ भइरहेको ठोकुवा गर्दै सामाजिक सञ्जालमा भिडियो पोस्ट गरेका थिए। यस्तै, मंगलबार बिहानको खेल सकिएपछि काठमाडौं नाइट्सका कप्तान ज्ञानेन्द्र मल्लले पनि आफ्ना एक खेलाडीलाई फिक्सिङको प्रस्ताव आएको खुलाएका थिए।
पछिल्लो समय फिक्सिङको चर्चा शिखरमा पुगेपछि गृहमन्त्रालयले अनुसन्धान अगाडि बढाउन अख्तियारलाई पत्र लेखेको छ।‘गृहमन्त्रालयबाट पत्र आएर हामीले अनुसन्धान पनि सुरु गरिसकेका छौं,’ अख्तियार स्रोतले पुष्टि गरेको छ।
यस्तै, अन्तर्राष्ट्रिय क्रिकेट परिषदको एन्टी करप्सन युनिट (एसीयू)का प्रतिनिधिले पनि केही खेलाडीमाथि अनुसन्धान भइरहेको जानकारी दिएका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया