मंग्सिर ५, २०८३ शनिबार November 21, 2026

संकटालाई दोश्रो पटक आहा राराको उपाधी

भुटनिज क्लव अमेरिकालाई ३–२ गोल अन्तरले पराजीत गरि संकटाले आहा राराको उपाधी दोश्रो पटक उचाल्यो

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः आहा रारा गोल्डकपको २२ औं संस्करणको उपाधी संकटा क्लबले जितेको छ । शनिबार पोखरा रंगशालामा भएको फाइनलमा भुटनिज क्लव अमेरिकालाई ३–२ गोल अन्तरले पराजीत गरि संकटाले आहा राराको उपाधी दोश्रो पटक उचालेको हो । खेलको सातौं मिनेटमा सुरजज्यू ठकुरीको गोलबाट अग्रता लिएको संकटालाई ३४औं मिनेटमा मेसुके ओलामाउले गोल गर्दै अग्रतालाई दोब्बर बनाए । ३७औं मिनेटमा रेने स्यान्टिलनले भुटनिजका लागि गोल गर्दै २–१ को अन्तरमा झारे ।

पहिलो हाफको अन्तिम समयमा भुटनिजका विलिस ग्रिफिटले गोल गरे । दोश्रो हाफमा कुनैपनि टीमबाट गोल हुन सकेन । गोल गर्ने धेरै अवसर पाएपनि दुवैले गुमाए । निर्धारित समय २–२ को बराबरीमा रोकिएपछि खेल अतिरिक्त समयमा पुगेको थियो । अतिरिक्त समयको २६औं मिनेटमा संकटाका क्याप्टेन सुनिल बलले गोल गर्दै टीमका लागि जित दिलाए ।

योसँगै आहारारामा संकटाले दोस्रो पटक उपाधी जितेको हो । यसअघि २०७७ को उपाधी पनि संकटाले जितेको थियो । संकटा हालसम्म २ पटक मात्रै फाइनल पुगेको छ भने दुवै पटक उपाधी जितेको छ । दुवै पटक विदेशी टीमलाई हराएको संकटाले २०७७ मा अफ्रिकन रुट्सलाई ट्राइब्रेकरमा पराजित गरेको थियो ।

उपाधीसँगै संकटाले १२ लाख नगद प्राप्त गरेको छ भने भुटनिज टीमले ६ लाख पायो । यो वर्ष उपाधीमा २ ला र दोश्रो हुनेलाई १ लाख पुरस्कार थप गरिएको हो । संकटाले यो टुर्नामेण्टमा उत्कृष्ट प्रशिक्षक, खेलाडी, गोल रक्षक, फरवार्ड, मिड फिल्डर पनि जितेको छ । संकटाका कप्तानसमेत रहेका सुनिल बल उत्कृष्ट खेलाडी घोषित भएका छन् । त्यस्तै, संकटाकै आयुष घलान उत्कृष्ट मिडफिल्डर तथा टीकेन्द्र थापा उत्कृष्ट गोल रक्षक र स्टेफन बिनोङ उत्कृष्ट फरवार्ड बने ।

संकटाकै सल्यान खड्की उत्कृष्ट प्रशिक्षक घोषित हुँदा फ्लेयर प्ले धरान फुटबल क्बल र उत्कृष्ट डिफेन्डरको उपाधि भुटनिजका हेक्टर ओर्टेगाले पाएका छन् । आहा रारा पोखरा गोल्डकप मोफसलकै प्रतिष्ठित टुर्नामेण्टका रुपमा स्थापित छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार