श्रीलंकाका राष्ट्रपति मैत्रीपाला काठमाडौंमा

काठमाडौ । काठमाडौंमा भोलिबाट सुरु हुन गैरहेको बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) को चौंथो शिखर सम्मेलनमा भाग लिन विशिष्ट व्यक्तित्वहरु आउने क्रम जारी रहेको छ ।

सम्मेलनमा भाग लिन आज अपराह्न्न श्रीलंकाका राष्ट्रपति मैत्रीपाला सिरिसेना काठमाडौं आईपुग्नु भएको छ । अपराह्न्न त्रिभुवन विमानस्थलमा आइपुग्नु भएको राष्ट्रपति सिरिसेनालाई विमानस्थलको अतिविशिष्ट कक्षमाउपप्रधान एवं रक्षामन्त्री ईश्वर पोखरेलले स्वागत गर्नुभएको थियो ।

सो अवसरमा राष्ट्रपति सिरिसेनाको सम्मानमा नेपाली सेनाको एक टोलीले सम्मान गारत प्रस्तुत गरेको थियो ।

विमानस्थलमा राष्ट्रपति सिरिसेनालाई नेपालका लागि श्रीलङ्काका राजदूत डब्ल्यू एस परेरा, श्रीलङ्काका लागि नेपाली राजदूत प्राध्यापक विश्वम्भर प्याकुर्याल तथा शिष्टाचार महापाल दीपक अधिकारीले स्वागत गर्नुभएको थियो । त्रिभुवन विमानस्थलबाट उहा सिधै होटल सोल्टी पुग्नु भएको थियो ।