मंग्सिर ३, २०८३ बिहिबार November 19, 2026

यमनका युद्धरत प्रतिद्वन्द्वीबीच जेनेभामा कैदी आदानप्रदानका लागि छलफल सुरू

यमन सरकार र इरान समर्थित हुथी विद्रोहीका प्रतिनिधिबीच शनिबार जेनेभामा कैदी आदानप्रदानका लागि वार्ता सुरु

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः यमन सरकार र इरान समर्थित हुथी विद्रोहीका प्रतिनिधिबीच शनिबार जेनेभामा कैदी आदानप्रदानका लागि वार्ता सुरु भएको छ  । संयुक्त राष्ट्रसङ्घले दुवै पक्षलाई ‘गम्भीर’ छलफलमा संलग्न हुन आग्रह गरेको छ ।

वर्षौंदेखिको गृहयुद्धका बीच बन्द कोठामा हुने वार्ताको नयाँ चरणको काम संयुक्त राष्ट्रसङ्घ र रेडक्रसको अन्तर्राष्ट्रिय समितिले गरिरहेको छ ।

यमनका लागि संयुक्त राष्ट्रसङ्घका विशेष दूत हान्स ग्रुन्डबर्गले जारी गरेको विज्ञप्तिमा भनिएको छ, “मलाई विश्वास छ, दुवै पक्ष धेरैभन्दा धेरै बन्दीलाई रिहा गर्ने विषयमा गम्भीर र आगामी छलफलका लागि तयार छन् ।”

पाँच वर्षअघि स्टकहोममा भएको कैदी आदानप्रदानसम्बन्धी सम्झौता कार्यान्वयन गर्ने उद्देश्यले ११ दिनसम्म चल्ने भनिएको यो वार्ता सातौँ बैठक भएको संयुक्त राष्ट्रसङ्घले जनाएको छ ।

उक्त सम्झौताअन्तर्गत दुवै पक्ष यमनको करिब एक दशक लामो द्वन्द्वका क्रममा ‘कुनै अपवाद वा शर्तबिना’ थुनामा रहेका सबै कैदी, बन्दी, बेपत्ता व्यक्ति, स्वेच्छाचारी रूपमा हिरासतमा राखिएका र बलजफ्ती बेपत्ता पारिएका व्यक्ति र नजरबन्दमा रहेकाहरूलाई रिहा गर्न सहमत भएका थिए ।

आइसिआरसीले एएफपीलाई दिएको जानकारीमा ग्रुन्डबर्गको कार्यालयको मध्यस्थतामा विगतमा भएका बैठकका कारण दुवै पक्षका कैदीहरूलाई रिहा गरिएको उल्लेख गरेको छ ।
“सन् २०२० मा एक हजार ५० भन्दा बढी बन्दीहरूलाई रिहा गरिएको थियो र दुवै पक्षबीच भएको सहमतिअनुसार उनीहरूलाई मूल क्षेत्र वा गृह देशमा यातायातको व्यवस्था गरिएको थियो,” विज्ञप्तिमा भनिएको छ ।

हुथी विद्रोहीसमूहले १६ साउदी र तीन सुडानी नागरिकसहित ८२३ सरकार समर्थित लडाकुको बदलामा एक हजार ४०० विद्रोहीलाई रिहा गर्ने गरी कैदी साटासाट गर्न सहमत भएको करिब एक वर्षपछि पछिल्लो बैठक हुन लागेको हो ।

युद्धरत पक्षहरूले यो बीचमा जोर्डनको राजधानी अम्मानमा शृङ्खलाबद्ध वार्ता गरेका छन्, जसबाट कुनै प्रगति भएको छैन । रासस/सिन्हा

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार