मंग्सिर ३, २०८३ बिहिबार November 19, 2026

पाकिस्तानका पूर्वप्रधानमन्त्री इमरान खानको घरमा प्रहरी प्रवेश

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः पाकिस्तानका पूर्वप्रधानमन्त्री इमरान खानको घरमा प्रहरी प्रवेश गरेको छ। लाहोरको जमान पार्कस्थित घरबाहिर ठूलो संख्यामा प्रहरी तैनाथ गरिएको छ।

प्रहरीले डोजर चलाएर इमरान खानको घरको ढोका फोडेर भित्र प्रवेश गरेको हो। त्यसक्रममा  घरभित्रबाट गोली चलेको स्थानीय प्रहरीलाई उद्धृत गर्दै बीबीसीले जनाएको छ। पूर्वप्रधानमन्त्री खानको घरभित्र रहेका उनका कार्यकर्ताले प्रहरीमाथि गोली चलाएको प्रहरीको दाबी छ।

यस्तै, इस्लामावादस्थित अदालततर्फ जाँदै गर्दै खानको टोली दुर्घटनामा समेत परेको बताइएको छ। यद्यपि, उनी अदालत पुगिसकेका छन्। खानले सरकारले आफूलाई पक्राउ गर्न खोजेको बताउँदै आएका छन्। यसअघि उनी शुक्रबार साँझ लाहोर हाइ कोर्ट पुगेका थिए। अदालतले उनलाई जमानत दिएको थियो।

मार्च १४ मा उनलाई पक्राउ गर्न प्रहरी उनको घर पुगेको थियो। तर प्रहरी उनलाई नियन्त्रणमा लिन असफल भयो। त्यसक्रममा इमरान खानको पार्टी पाकिस्तान–तहरीक–ए–इन्साफ (पीटीआई)का कार्यकर्ताले प्रहरीमाथि ढुंगामुढा गरेका थिए।

सरकारले खानमाथि दर्जनौँ मुद्दा  दर्ता गरेको छ। उनीमाथि तोशाखानामा जम्मा गिफ्ट कम रकममा किनेर बढीमा बेचेको आरोप छ। यसलाई लिएर पाकिस्तानको निर्वाचन आयोगले उनलाई पाँच वर्षका लागि चुनाव लड्न अयोग्य घोषित गरेको थियो। साथै उनको सांसद पदसमेत खारेज गरिएको थियो।

आयोगको उक्त निर्णयविरुद्ध पीटीआईका कार्यकर्ताले आयोगअघि विरोध चर्काएका थिए। जसमा केही व्यक्ति घाइतेसमेत भएका थिए। उक्त घटनापछि उनीविरुद्ध पक्राउ गर्न वारेन्ट जारी भएको थियो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार