शिक्षक आन्दोलनका कारण विद्यालय बन्द

काठमाडौं, आफ्ना मागहरुमा सरकारले वेवास्ता गरेको भन्दै राहत शिक्षक केन्द्रिय समितिले आजबाट भदौ २८ गतेसम्म सामूदायिक विद्यालय बन्द गर्ने घोषणासहित आन्दोलन थालेको छ । शिक्षकहरुको आन्दोलनका कारण मुलुकभरका सामुदायिक विद्यालय बन्द भएको छ ।

राहत शिक्षक केन्द्रीय संघर्ष समितिका अध्यक्ष खेमराज अधिकारीले संघीय शिक्षा ऐनमा राहत शिक्षकहरुको स्थायी व्यवस्थापन गर्नुपर्ने मागसहित आफूहरु आजबाट आन्दोलनमा उत्रिएको जानकारी दिनुभयो । यसअघि समितिले भदौ ८ गते ने पत्रकार सम्मेलन गरेर सरकारलाई माग पूरा गराउनको लागि ध्यानाकार्षण गराएका थियो ।

तर, सरकारले उनीहरुको मागप्रति कुनै गम्भिरता नदेखाएपछि शिक्षकहरु विद्यालय बन्द गराउन लागिपरेका छन् । अध्यक्ष अधिकारीले तीन दिन लगातार आन्दोलन गर्ने जनाउँदै त्यसपछि पनि सुनुवाई नभए विद्यालयका सम्पूर्ण कार्यक्रमहरु नै बहिष्कार गर्ने चेतावनी दिनुभएको छ । मुलुकभर ४० हजार राहत शिक्षक रहेका छन् ।

विगतमा भनसुनका आधारमा नियुक्त भएका शिक्षहरुले अस्थार्यलाई जसरी नै प्रक्रिया पु¥याएर स्थाई गर्न माग गर्दै आन्दोलन थालेपछि सरकर अन्यालमा परेको छ । यसअघि लगातार अस्थाई शिक्षकहरुले आन्दोलन गरेपछि उनीहरुलाई आन्तरिक प्रतिस्पर्धाबाट स्थायी गर्न सुरु गरिएको छ । जसका लागि उनीहरुको परिक्षा समेत सम्पन्न भैसकेको छ ।